Jyl: 2017
El: AQSh, Fransııa, Ulybrıtanııa, Nıderland
Rejısser: Krıstofer Nolan
Basty rólderde: Kennet Brana, Djeıms D’Arsı, Tom Hardı, Garrı Staıls, Kıllıan Mıorfı, Mark Raılens, Djeıms Blýr, Fıon Ýaıthed, Demıen Bonnar, Tom Glynn-Carney, Djek Laýden, Aneırın Barnard
Ssenarıı: Krıstofer Nolan
Prodıýser: Krıstofer Nolan, Emma Tomas, Djeık Maıers
Janr: Drama, Tarıhı, Áskerı
Álemdik premera: 16 shilde 2017
Qazaqstandaǵy premera: 20 shilde 2017
Uzaqtyǵy: 106 mınýt
«Dıýnkerk» - rejısserdiń tarıhı oqıǵa jelisi boıynsha túsirgen alǵashqy fılmi. Osyǵan deıin avtor arnaýly ssenarııler men kórkem shyǵarmalardy ekranızasııalap kelgen-tuǵyn. Kartına batystyq kınosynshylar tarapynan joǵary baǵaǵa ıe bolyp, jurtshylyq «Nolannyń kezekti shedevri» dep maqtap jatyr. Kınosúıer qaýymnyń bir parasy «Dıýnkerk» – bul naǵyz ımpressıonızm shedevri» dese, endi bir tarap «dástúrli emes, tań qaldyrarlyq áskerı fılm» dep tańdaı qaqty.
Fılm oqıǵasy ekinshi dúnıejúzilik soǵys kezinde órbıdi. 1940 jyly mamyrda odaqtas elderdiń áskerleri Fransııanyń Dıýnkerk portty qalasynyń jaǵalaýynda nemis áskeriniń qorshaýynda qalady. Sany 400 myńdaı bolatyn brıtan, fransýz, belgııalyq áskerdi Ulybrıtanııaǵa evakýasııalaý kezinde jaý qyspaǵy olardy teńizge qaraı yǵystyra túsedi. Kún saıyn qor azaıǵannyń ústine, qutqarady-aý degen úmit úzilýge shaq qalady. О́lgen kúnde qalanyń batys shebinen qashyp qutyldyq dep oılaı bergen jaýyngerler jeksuryn jaǵalaýǵa qaıta aınalyp kele beredi. Al tolassyz shabýyldan ólip jatqandardyń arasynan kezdeısoq oq tımeı qalǵandar jan dármenmen tiri qalýǵa umtylysady.
Fılm oqıǵasy teńizde, qurlyqta, ashyq áýede ótetindiginen soǵystyń uzyn quryǵynan eshqaıda qashyp qutyla almaısyń degen astar baıqalady. Tanymal kınokompozıtor Hans Sımmerdiń súıemeldeýimen jazylǵan mýzyka tolassyz urys maıdanyndaǵy atys-shabysty dál beredi. Akterlyq quramdy sátimen tańdaı biletin Nolan bul joly da Tom Hardı, Kıllıan Merfı, Kennet Brana, Mark Raılens, Djeıms D’Arsı, Fınn Ýaıthed syndy talanttardyń basyn qosty.
Aıa О́MIRTAI,
"Egemen Qazaqstan"