Ekspozısııaǵa kúngeıdiń tamasha tabıǵatynyń fotosýretteri de enip otyr. Foto-kórmege EKSPO komıssarlary, komıssarlardyń orynbasarlary, kórmelerdiń halyqaralyq bıýrosynyń delegattary men pavılon dırektorlary, dıplomatııalyq ókildik basshylary, halyqaralyq iri kompanııalardyń ıeleri men 100 elden kelgen qonaqtar qatysty.
Ońtústiktegi týrızmniń damýyn jańa satyǵa kóteretin is-sharaǵa Ońtústik Qazaqstan oblystyq kásipkerlik, ındýstrıaldy-ınnovasııalyq damý jáne týrızm basqarmasy muryndyq bolypty. Basqarmanyń ıdeıasyna Ontustik Tourism jáne «Ońtústik Qazaqstan oblysyndaǵy týrızm ındýstrııasyn damytý ortalyǵy» qoldaý bildirgen.
«Eń aldymen, EKSPO-2017 halyqaralyq kórmesi álemdik deńgeıdegi aýqymdy is-shara ekenin atap ótý kerek. Al Sizder tańdap alǵan «Bolashaqtyń energııasy» taqyryby osy jarqyn bolashaqqa jaqyndap, alǵa qadam basýǵa múmkindik beredi. Men EKSPO-2017 kórmesinen keremet áser alyp júrmin. Qazaqstan meni baýrap aldy. Osynda kelgeli beri bıznes-qaýymdastyqpen kezdesip, bolashaqqa jospar qurdyq. Qazaqstannyń Ońtústiginde týrıster qyzyǵatyn jer óte kóp, tarıhy baı, tabıǵaty tamasha. Sondyqtan, Ońtústikke saıahattap barýdy josparlap otyrmyn», – deıdi Úndistannan kelgen «Uly Jibek joly» pavılonynyń komıssary Lý Djı.
Aıta keteıik, Ońtústik Qazaqstan oblysy osyndaı is-sharany ótkizgen alǵash oblys. Bul halyqaralyq dárejedegi alańshada ishki jáne syrtqy baǵyttaǵy týrızmdi damytýǵa, sheteldik týrısterdiń qyzyǵýshylyǵyn týdyrýǵa jaqsy múmkindik.
«Maqsatymyz – Ońtústik Qazaqstandy búkil álem qyzyǵatyn týrıstik ólke retinde tanytý. Qazaqstan men Ońtústik Qazaqstan oblysynyń bul tustaǵy áleýeti óte keń. EKSPO-2017 kórmesi osy áleýetti damytýǵa kómektesedi dep senemiz», – deıdi uıymdastyrýshylar.