QR Úkimetiniń basshysy Baqytjan Saǵyntaev Pavlodar oblysyna jumys sapary barysynda «Qazaqstan elektrolız zaýyty» AQ-ǵa baryp, Indýstrııa 4.0 elementterin engizý arqyly óndiristi jańǵyrtý barysymen tanysty, dep habarlaıdy primeminister.kz
Zaýyt dırektory R. Romanov Baqytjan Saǵyntaevqa zaýyttyń tolyq jobalyq qýattylyqqa ótkenin málimdedi. Kásiporynda kúıdirilgen anodtyń zamanaýı ári ekologııalyq qaýipsiz progressıvti tehnologııasy qoldanylady.
2,5 myńnan astam adam jumys isteıtin elektrolız zaýytynda jyl saıyn 250 myń tonnaǵa deıin alıýmınıı óndiriledi. Zaýyt ónimi ishki jáne syrtqy naryqtarda suranysqa ıe. Alıýmınıı Reseıge, Belarýsqa, Ýkraınaǵa, О́zbekstanǵa, Túrkııaǵa, Ázerbaıjanǵa, Nıderlandyǵa, Brazılııaǵa, AQSh-qa, Italııaǵa, Bolgarııaǵa, Chernogorııaǵa, Polshaǵa jáne Norvegııaǵa eksporttalady.