Shaıahmet Qanapııanov 66 keli salmaqta óner kórsetip, aqtyq saıysta reseılik balýan Rýslan Askerovtan jeńildi. Fınalǵa shyqpas buryn jerlesimiz túrik, ıran jáne ýkraın dzıýdoshylaryn tize búktirgen. Qazaqstan Táýelsizdik alǵaly beri Sýrdolımpıada oıyndarynda júlde alyp kórmegenin eskersek, Shaıahmettiń jetistigin tarıhta qalatyn jeńis dep aıtýǵa bolady.
Eske sala keteıik, 28 shildede Túrkııanyń Samsýn qalasynda HHIII Sýrdolımpıada oıyndary bastalǵan bolatyn. Tórt jylda bir ótetin álemdik jarysqa 100 memlekettiń 3 myńnan astam sportshylary qatysýda. Atalǵan jarysta el namysyn 9 sport túrinen 50-ge jýyq sportshy qorǵaýda. Atap aıtqanda, qazaqstandyq sportshylar grek-rım kúresi, jeńil atletıka, júzý, taekvondo, karate, ústel tennısi, dzıýdo jáne sporttyq baǵdarlaý túrlerinen baq synaýda. Sýrdolımpıada oıyndary 30 shildede aıaqtalady.