Partııalyq baqylaý pármeni

«Nur Otan» HDP oblystyq fı­lıaly  óńirdiń ekonomıkalyq-áleý­met­tik damýyna yqpal etetin mańyzdy nysandardaǵy jumystardyń merziminde sapaly atqarylýyn qada­ǵa­laýdy jolǵa qoıdy. Sondyqtan da iri ınnovasııalyq jobalardyń júzege asyrylýy, tyń bastamalardyń ómirge engizilýi partııa nazarynan tys qalǵan emes. Bul ekonomıkalyq ilgerileýge iz ashyp qana qoımaı, uqyptylyq pen únemshildiktiń, tártip pen rettiliktiń qalyptasýyna, jumys qarqynyn art­tyrýǵa yqpal etýde. Qazirdiń ózinde kóptegen qurylys nysandarynda, halyqqa qyzmet kórsetý oryn­da­ryn­da,  densaýlyq saqtaý mekemelerinde partııalyq baqylaý beketteri jumys isteıdi. Qalanyń Lachýgına kóshesi, 5 jáne Ábilqaıyr han dańǵyly, 6 turǵyn úılerindegi termojańǵyrtý jumys­tary­nyń qanshalyqty sapaly atqa­rylyp jatqanyn kózben kórýge kelgen «Nur Otan» HDP oblystyq fılıaly partııalyq baqylaý komıssııanyń tór­aǵasy Ǵalymjan Nuryshev bastaǵan  beket músheleri  tııanaqty jumys nátıjesine tánti boldy. Eki turǵyn úıdiń kúrdeli jańǵyrtý jumystaryn tıisinshe «Interstıl» JShS men  «Kontakt» qurylys kompanııasy júr­gizýde eken. Eki qurylys mekemesinde de partııalyq baqylaý beketteri qu­rylǵan. Ábilqaıyr han dańǵyly, 6 úıdiń turǵyny Vasılıı Gýrevpen tildeskenimizde memlekettik baǵdar­lamaǵa rızashylyǵyn bildirdi. – Salynǵanyna 40 jyldan asqan bul úıdi óz kúshimizben eshqashan da kúrdeli jóndeı almas edik.Úıimizdiń podezderi men jertólesi jóndeldi, elektr qondyrǵylary, qubyrlar jańartyldy. Rasynda da qýany­shy­myzda shek joq, – deıdi ol. «Turǵyn úı-kommýnaldyq sharýa­shylyǵyn modernızasııalaý jáne da­mytýdyń qazaqstandyq ortalyǵy» AQ Aqtóbe fılıalynyń dırektory Meńdibaı Maqtaevtyń aıtýynsha,  ob­lys ortalyǵynda segiz úıge osyndaı jańǵyrtý júrgizilýde. Onyń altaýyna avtomatty jylý rettegish qondyrǵy ornatylǵan. Osy turǵyn úılerdegi jańǵyrtý jumystaryna 276 131 030 teńge qaralǵan, sonyń 120 mıllıon teńgesi respýblıkalyq bıýdjetten bólingen. Al, baǵdarlamanyń ekinshi tetigi boıynsha 45 kóp qabatty turǵyn úıge páter ıeleriniń qalaýy boıynsha tańdalǵan kúrdeli jóndeý jumystary atqarylýda. Bul jumystardy atqarý úshin «Tabys Aqtóbe» JShS-ine  343 750 000 teńge bólingen. Satybaldy SÁÝIRBAI, Aqtóbe oblysy.