Semınar-keńes barysynda qatysýshylarǵa qant qyzylshasy, jemis-jıdek jáne basqa da baqsha daqyldaryn ósirýdiń tyń tásilderi tanystyrylyp, atqarylyp jatqan jumystar nasıhattaldy. Semınarǵa oblys ákimi Kárim Kókirekbaev, aýdan ákimderi, aýdandyq aýyl sharýashylyǵy bóliminiń basshylary, oblystaǵy sharýashylyq jetekshileri jáne respýblıkadaǵy ǵylymı-zertteý ınstıtýttarynyń ǵalymdary qatysyp, salada atqarylyp jatqan jumystarmen tanysty.
Jalpy, bıylǵy jyly oblysta paıdalanylmaı jatqan alqaptardy aınalymǵa engizý arqyly egistik kólemi 623,0 myń gektarǵa jetip otyr. Nátıjesinde sońǵy úsh jylda paıdalanýsyz jatqan jer kólemi 26,9 myń gektarǵa qysqarǵan. Sonymen qatar, bıylǵy jyly jazdyq arpanyń egis kólemi ótken jylmen salystyrǵanda 7,0 myń gektarǵa azaıyp, nátıjesinde basym daqyldar bolyp sanalatyn qant qyzylshasy, maıly daqyldar, dándik júgeri, kókónis, baqsha alqaptarynyń kólemi artqan.
Sondaı-aq, oblysta 2015 jyly alǵash ret otyrǵyzylǵan údemeli alma baqtardyń aýmaǵy ótken jyly 112 gektarǵa ulǵaıyp, 235 gektarǵa jetse, bıylǵy jyly qosymsha 90 gektar alma baǵy otyrǵyzylyp, jalpy kólemi 325 gektardy qurady. Semınar barysynda alma ósirýdiń tehnologııalyq kartasy jáne alma saqtaıtyn 300 tonnalyq muzdatqysh qoıma tanystyryldy.
О́ńirde bıylǵy jyly qant qyzylshasy 9,0 myń gektarǵa egilip, oǵan qajetti tuqym satyp alýǵa oblystyq bıýdjetten 220 mıllıon teńge bólingen bolatyn. Endi ónimdi jınaý naýqany kezinde qant zaýyttaryna 155 myń tonna tátti túbir ótkizý josparlanýda. Sondaı-aq, ótken jyly sý únemdeý tehnologııasy 11 973 gektarǵa engizilse, aǵymdaǵy jyly onyń kólemi 15 015 gektarǵa jetti.
Jalpy eginshilikte ozyq tehnologııalardy qant qyzylshasyna engizý qolǵa alynýda. Bul baǵyttaǵy jumystar da semınar kezinde kópshilikke kórsetildi. Mysaly, bıylǵy jyly 1 555 gektar qant qyzylshasyna tamshylatyp sýarý tehnologııasy engizilse, 1 325 gektarǵa jańbyrlatyp sýarý tehnologııasy engizildi.
Semınar barysynda tuqym sharýashylyǵy jaıy da sóz boldy. Búgingi tańda aımaqta 6 elıtalyq tuqym sharýashylyǵy jumys isteıdi. Sondaı-aq, sońǵy jyldary memlekettik qoldaýlar nátıjesinde óńirde mal sharýashylyǵy qarqyndy damyp keletinin aıta ketý kerek. Endi olardyń ónimdiligin arttyrý úshin sapaly mal azyǵy bazasyn jasaý kerek. «Merki et kombınaty» jaýapkershiligi shekteýli seriktestigindegi semınar osy máselege arnaldy.
Jalpy jyl basynan beri oblystaǵy múıizdi iri qara sany 4,4 paıyzǵa artsa, qoı sany 2,1 paıyzǵa, jylqy basy 5,2 paıyzǵa, et óndirisi 6,8 jáne sút óndirý 2,8 paıyzǵa artqan. Aıta ketý kerek, bıylǵy jyly múıizdi iri qaranyń analyq basy 9,9 paıyzǵa artyp otyr.
Qazirgi kezde Jambyl oblysynda 20 myń bas iri qarany bordaqylaýǵa arnalǵan 26 bordaqylaý alańy jumys jasap keledi. О́tken jyly bul alańdar 451,3 tonna sıyr etin eksportqa shyǵarsa, aǵymdaǵy jyly sıyr etin eksporttaý kólemin 500 tonnaǵa jetkizý mindeti belgilengen. Búgingi kúnde taza jáne qaıta óńdelgen túrde 16,5 tonna sıyr eti jáne 45,2 tonna qoı eti eksporttaldy.
Semınar barysynda mal sharýashylyǵynda et eksportynyń kólemin arttyrý jaıy da talqylandy. Oblysta atalǵan máseleni keshendi túrde josparlap, júzege asyryp jatqan «Merki et kombınaty» jaýapkershiligi shekteýli seriktesigi bolsa, odan bólek, oblysta 2 iri et kombınaty óz jumystaryn bastady. Onyń biri jylyna 1 757 tonna et óndiretin Jambyl aýdanyndaǵy «Ońtústik halal taǵamdary» seriktestigi bolsa, ekinshisi jylyna 732 tonna et óndiretin Qordaı aýdanyndaǵy «Pervomaıskıe delıkatesy» seriktestigi.
Jalpy, semınar-keńes barysynda aýyl sharýashylyǵy salasyna ınnovasııalyq tehnologııalardy keńinen engizý qajettigi de sóz boldy. Bul másele tóńireginde de tıisti basshylarǵa tapsyrmalar berildi.
Hamıt ESAMAN, «Egemen Qazaqstan»