«Búginde Astana qalasynyń ákimdigimen qoqystardy bólip jınaý júıesin engizý boıynsha qarqyndy jumys júrgizilýde. Halyq bul bastamany áý-bastan aq qoldady. Bul baǵyt sheńberinde jyl sońyna deıin qaǵazdardy jınaý úshin 700 arnaıy qoqys jáshikterin ornatý josparlanýda», - dedi medıa ortalyq tilshisine qala ákimdigi tabıǵı resýrstar jáne tabıǵatty paıdalanýdy retteý basqarmasy bóliminiń basshysy Mıras Ǵaısın.
Oǵan qosa, elordada elektr jaryǵyn únemdeıtin quramynda synap bar shamdardy jınaý jáne joıý boıynsha jobalar iske asyrylýda.
Búginde Astanada bundaı konteınerlerdiń 700-den astamy ornatyldy. Ári qaraı óndirý úshin bul shamdar tamaq qaldyqtarynan bólek jınalyp, suryptalyp arnaıy sarǵylt tústi jáshikterge salynady.
О́z kezeginde sary tústi qoqys jáshikteri plastık qaldyqtary úshin arnalǵan. Qazirgi ýaqytta turǵyn-úılerdiń aýlalarynda bundaı konteılerderiń 600-den astamy bar. Barlyq jınalǵan plastık ári qaraı óndirý úshin qoqys óndirý zaýytyna jóneltiledi.
Qaldyqtar suryptalyp, brıketteledi. «Kórip turǵandaı, bul konteınerler kún saıyn tolady. Qala turǵyndary men qonaqtary bul jobany qoldap, elordanyń ekologııalyq ahýalyn jaqsartýǵa óz úlesterin qosady degen senimdemiz», - dedi M. Ǵaısın.
Ákimdiktiń málimetteri boıynsha, qazirgi ýaqytta elorda aýmaǵynda 9 myńnan astam túrli qoqys jáshikteri ornatylǵan. Buǵan deıin ákimdiktiń medıa ortalyǵynan habarlanǵandaı, Astanada maýsym aıynda turmystyq qatty qaldyqtardy syrtqa shyǵaratyn kompanııa aýysty. «Astana-Tazartý» kompanııasynyń ornyna arnaıy bazasy men tehnıkasy bar «Clean City NC» JShS keldi.