Spıker «Tamyz keńesi» barlyq muǵalimder úshin asa mańyzdy shara ekenin atap ótip, jıyn aıasyndaǵy seksııalyq jumystar ár oblys ortalyqtarynda ótkiziletindigin baıandady.
«Eń úlken seksııa bul – bilim salasyn jańartylǵan mazmunǵa kóshirý seksııalary. Bul seksııalar ár oblys ortalyqtaryndaǵy Nazarbaev zııatkerlik mektepteriniń bazasynda ótkiziletin bolady. О́zderińizge belgili, bizdiń salamyzda byltyrǵy oqý jylynan bastap jańartylǵan mazmun engizilip jatyr. Bul birqatar ózgeristermen baılanysty. Aıta ketetin taǵy bir jaıt, 2, 5, 7 synyptar bıylǵy jyly osy jańartý mazmunyna kóship, olar úshin jańa oqý baǵdarlamalary, oqýlyqtar jáne synı turǵydan oılaý máseleleri qarastyrylǵan. Osy suraqtar oblys ortalyqtarynda ótetin seksııalarda muǵalimder, bilim salasy ókilderi, úkimettik emes uıymdar ókilderiniń qatysýymen, qoǵamdyq uıym ókilderiniń qatysýymen jete talqylanady», dedi Sh.Karınova.
Bilim jáne ǵylym mınıstrliginiń Mektepke deıingi jáne orta bilim berý departamenti dırektorynyń aıtýynsha, tamyzda bolatyn keńeste byltyrǵy oqý jylynyń negizgi máseleleri talqylanyp, aldaǵy oqý jylyna júıeli jospar jasalynady.
Raýan QAIDAR, «Egemen Qazaqstan»