Bul týraly oblys ákimi Berdibek Saparbaev óńirdegi barlyq buqaralyq aqparat quraldary basshylarmen, redaktorlarmen jáne jýrnalıstermen kezdesýinde dáıekti dálelder keltire otyryp, naqty baıandady.
Aıta keteıik, ekonomıkanyń belsendi ósimi oblystyń respýblıkadaǵy shapshań damıtyn óńirlerlerdiń bestigine kirýine múmkindik berdi. Esepti kezeńde ónerkásiptik ónim óndirisiniń kólemi 4,9 paıyz artty. О́nerkásip kásiporyndary 700 mlrd teńgeniń ónimin óndirdi. О́ńdeý ónerkásibi 111,4 paıyzǵa ósti. Atalmysh kórsetkish boıynsha oblys elimizdegi óńirler arasynda ekinshi orynǵa kóterildi. Negizgi kapıtalǵa quıylǵan ınvestısııa 131,8 paıyzdy qurady. Bul ózge óńirlermen salystyrǵanda anaǵurlym joǵary kórsetkish bolyp tabylady. О́ńir ekonomıkasyna 160 mlrd teńgeden astam qarjy tartyldy. Aǵymdaǵy jyly 1700 jańa jumys ornyn asha otyryp, jalpy quny 33 mlrd teńge bolatyn 17 ınvestısııalyq jobany júzege asyrý kózdelýde. Jalpy, osy kezeńde óńirde 8,2 myń jańa jumys orny quryldy.
Aýyl sharýashylyǵynyń jalpy ónimi de 103,7 paıyzǵa ósti. Oblysta «Kooperasııa týraly» zań tıimdi júzege asyrylýda, qazirdiń ózinde 171 kooperatıv quryldy, taǵy 26-sy osy jyldyń sońyna deıin jumysyn bastaıtyn bolady.
Sondaı-aq, qurylys jumystarynyń kólemi 111 paıyzǵa ósip, 242 myń sharshy metr turǵyn úı paıdalanýǵa berildi. Al jyl sońyna deıin kem degende 650 myń sharshy metr turǵyn úı salynady. Jeke turǵyn úı qurylysyn damytý aıasynda osy jyly 15 myń jer telimin berý josparlanýda. Aıta ketý kerek, Aqtóbe – Qazaqstandaǵy «Nurly jer» baǵdarlamasy aıasynda «taýnhaýs» tıpindegi úsh qabatty nesıelik jáne tez turǵyzylatyn jeke turǵyn úılerdiń qurylysyn júrgizip jatqan qalalardyń birden-biri. Birinshi kezeńde 210 myń sharshy metr turǵyn úı nemese 2952 páter, sonyń ishinde 2017 jyly 914 páter salynbaq. Belsendi turǵyn úı qurylysymen qatar qalany kórkeıtý jáne kógaldandyrý jumystary júrgizilýde. О́ńir basshysynyń aıtýynsha, 2017 jyly oblysta salynyp jatqan 23 mekteptiń 14-i paıdalanýǵa berilip, 5450 oryndyq mektepke deıingi balalar mekemesi ashylatyn bolady.О́ńirde sapaly ári qoljetimdi medısınanyń damýyna da basa nazar aýdarylýda. Aqtóbede batysqazaqstandyq medısına klasterin damytý jumystary jalǵasýda. Osy jyldyń ózinde 29 densaýlyq saqtaý nysanyn, sonyń ishinde aýdandarda salý qarastyrylǵan. О́ńirde sondaı-aq, kólik-logıstıka salasyn belsendi damytý jalǵastyrylady. Osy jyly barlyǵy 141 shaqyrymdyq respýblıkalyq mańyzy bar joldar 2,3 mlrd teńgege, 298,5 shaqyrymdyq oblystyq jáne jergilikti mańyzy bar joldar 8,8 mlrd teńgege ortasha jóndeý jumystaryn qajet etedi. «Aqtóbe-Or» kólik jolyn qaıta qalpyna keltirý, Aqtóbe qalasynan shyǵatyn joldaǵy ótpejoldy salý sekildi t.b. iri jobalardy júzege asyrý bastaldy.
Oblysta mal azyǵyn daıyndaý da qarqyndy júrgizilýde. Jalpy, óńirde qol jetken bıikten alasarmaýdyń barlyq alǵysharttary bar.
Temir QUSAIYN, «Egemen Qazaqstan» AQTО́BE