Ásheıinde únsiz ǵana ushqan-ushpaǵany belgisiz kórinetin qarlyǵashtyń kómek suraǵandaı bolǵan jalynyshty únderi estiledi. Basqa qustardan bir ereksheligi – jemin ushyp júrip ustaıdy, sýdy da ushyp júrip ishedi. Qanaty uzyn, jińishke, quıryǵy eki aıyr ekendigin bilemiz. Aqshyl, arqasy qońyr, jasyl jyltyr bolyp keledi. Arktıka men Antarktıkadan bastap, Qazaqstanda 4 týysqa jatatyn 5 túri kezdesedi. Qarlyǵashtardyń bári jyl qustary. Bizdiń biletinimiz, bul qustar jylyna bir ret qysta túleıdi. Ekinshi jyly urpaq beredi. Eki-ekiden, keıde toptanyp shyńǵa, tik jartasqa, qurylysqa keıde aǵashqa japsyra topyraq pen sazdy silekeıimen aralastyryp uıa salady, balapandaryna yńǵaıly bolýy úshin ishine maıda shóp pen qaýyrsyn jáne mamyq tóseıdi.
506-bólmeniń esigi ashyq tur. Kezekshi qyz kabınetti tazalap jatyr eken. Terezeniń jeldetkishiniń ústine uıa salǵan beıqam qustar eken ǵoı. «Egemen Qazaqstannyń» tilshiler qosynynyń shańyraǵyna uıa salǵan qarlyǵashtar ertemen bezektep qyzyl shaqa balapandaryn qorǵap júr. Aldaǵy jazda amandyq bolsa qustar úsh qarlyǵashqa kóbeıedi. Bul jaqsylyqtyń nyshany shyǵar. Biz soǵan jorydyq.
Saparbaı PARMANQUL, «Egemen Qazaqstan»
ALMATY