Máselen, Kóksý qant zaýytyna óńirdiń 560 sharýa qojalyǵy qant qyzylshasyn tapsyratyn bolsa, Jarkent krahmal-sirne zaýytymen 540 júgeri ósirýshi sharýashylyq jumys isteıdi. Al Tekeli ashytqy zaýyty 100-den astam sharýashylyqty biriktirip otyr.
Jalpy oblysta agroónerkásiptik keshenniń aýyl sharýashylyǵy ónimderin óńdeýdiń 9 basym baǵyty belgilengen. Atap aıtqanda, astyq, maıly dánder, qant qyzylshasy, kókónister men jemister, et, sút, balyq jáne jún óńdeýge basymdyq berilmek.
Oblysta О́ńdeý kásiporyndarynyń 2021 jylǵa deıingi ornalasýynyń egjeı-tegjeıli kartasy ázirlengen. Ony júzege asyrý aýyl sharýashylyǵy ónimderin óńdeý salasyn ındýstrııalandyrýǵa, kooperasııa máselelerin sheshýge múmkindik beredi dep kútilýde. Bul oraıda zaýyttar óńdeýshi kásiporyn retinde negizgi ózek bola otyryp, mańaıyna sharýa qojalyqtaryn toptastyrýda. Búgingi kúni Kóksý qant zaýyty, Jarkent krahmal-sirne zaýyty men Tekeli ashytqy zaýyttary osynyń aıqyn aıǵaǵy bolyp otyr.
Aldaǵy ýaqytta bul qatarǵa Aqsý qant zaýyty, ırandyq «Imperııa Fýd» kompanııasymen birlesken, eksportqa baǵyttalǵan, jylyna 8 myń tonna ónim shyǵaratyn et óńdeý zaýyty jáne basqa da nysandar qosylatyn bolady.