Býrabaıdyń týrıstik áleýetin damytý jumysyna belgili konsaltıngtik kompanııa atsalysatyn bolady. Bul týraly «THR» konsaltıngtik kompanııasy ókildigi dırektorynyń mindetin atqarýshy Hrıstof de Brıýna men Mırko Djergovık bastaǵan delegasııanyń Aqmola oblysyndaǵy Býrabaı kýrortynda bolǵan kezinde aıtyldy, dep habarlaıdy QazAqparat.
Atalmysh delegasııa Býrabaı kýrorttyq aımaǵyn damytý maqsatynda jasalatyn júıelik jospardy iske asyrý úshin arnaıy shaqyrylǵan. Ádette, bul jospardy halyqaralyq sarapshylar men QR Indýstrııa jáne jańa tehnologııalar mınıstrligi bekitedi. Álemdegi 70 eldiń kýrorttyq jospar júıesin ázirleýde mol tájirıbesi bar kompanııa ókilderi Býrabaıda Úlken Shabaqty kóliniń aýmaǵyn zertteıdi. Sonymen qatar olar 233 gektar aýmaqta jalpylaı týrısterge arnalǵan joǵarǵy deńgeıdegi demalys aımaǵyna aınaldyrý máselesi boıynsha óz usynystaryn beredi.