«Bakyt business group» JShS Aral aýdanynda túıe sútin qabyldaıtyn oryndaryn ashýdy josparlap otyr. Osyǵan oraı aýdan ákimdiginiń májilis zalynda oblystyq aýyl sharýashylyǵy basqarmasynyń bólim basshysy P.Aıbosynov pen «Bakyt business group» JShS dırektorynyń orynbasary B.Ańsarov aýyldyq okrýg ákimderimen jáne sharýa qojalyq ıelerimen kezdesti, dep habarlaıdy QazAqparat.
Atalmysh jıynǵa aýdan ákiminiń mindetin atqarýshy J.Álisheva tóraǵalyq etti.
Kezdesýde kompanııanyń sharýa qojalyqtarynan jáne jeke turǵyndardan túıe sútin naryqpen birdeı baǵada qabyldaýdy josparlap otyrǵandyǵy aıtyldy. Sondaı-aq, eldi mekenderdiń aýdan ortalyǵynan araqashyqtyǵy jáne túıe sútin jetkizý máselesi keńinen talqylandy. Jıynǵa qatysýshylar qozǵalǵan másele tóńireginde óz oılaryn ortaǵa saldy. Osy baǵyttaǵy zertteý jumystary áli de naqtylanyp, joba usynylatyn bolady.