- Bizdiń oqýshylarymyzdyń qundylyqtary ártúrli. Kóbisi mektepten keıin joǵary oqý ornyna túsip, mamandyq alyp, keıin jumys istegisi keledi. Jańa bir nárseni oılap tabý degendi ekiniń biri oılaı bermeıdi. Sol turǵyda biz jańashyldyqty qurýdy kózdeıtin jastardy damytýymyz kerek. Basqa olımpıadalarǵa qaraǵanda bizdiń olardan ereksheligimiz: qazaqstandyq baıqaýlardyń kóbisi tek maparattaýmen bitedi. Dıplom alyp, ony qabyrǵaǵa ilesiń – osymen boldy degendeı. Biz bolsaq irikteý qorytyndysy boıynsha eń úzdik 10 jobany alamyz da 15 qarashadan bastap ony iske asyra bastaımyz. Oqýshylar óz tájirıbesinde myqty ıdeıa bolsa, ony iske asyrýǵa bolatynyna kóz jetkizýi tıis, ári qaraı bıznes qurýǵa bolady degenge senýi kerek. Bul elimiz úshin paıdaly is, - dedi Mankeev.
Baıqaý 4 baǵyt boıynsha ótedi: IT-tehnologııalar, «jasyl energetıka», «turmysta» (ıdeıalar men kúndelikti ómirde qajet bolatyn zattar, týyndylar).
10 qazaqstandyq sarapshy men tanymal bıznesmender eń úzdik jobalarǵa qoldaý kórsetedi. Olardyń ishinde: VTB Kapıtal 12BF bas dırektory Ádil Nurǵojın jáne TheSummerStartupSchool.com mektebiniń negizin qalaýshy Arman Súleımenov.
Arman Súleımenovtiń sózine qaraǵanda, balalar baıqaýǵa qatysý arqyly ózderiniń arman-maqsattaryna jetýde alǵa qadam basady, jumsalǵan kúsh-jiger mindetti túrde aqtalady.
- Úsh jyl qatarynan biz jazǵy mektep úshin baǵdarlamalaý mashyqtary bar adamdardy izdestirip, tabamyz jáne olardyń deńgeıin joǵarylatamyz, ıaǵnı mobıldi ázirleýshi deńgeıine deıin jetkizemiz. Jyl saıyn biz 1000-nan astam ótinish qabyldap, olardyń ishinen 130 adamdy iriktep alamyz. Olardy 600 jumys saǵaty kútip turady: ıdeıa qurýdan bastap ony qalaı júzege asyrý qajet, ıdeıanyń júzege asyrylý tetikteri, syry syndy sarynda tárbıeleımiz. Bul olımpıada óz jobasyn júzege asyryp, óz kásibin ashýda taptyrmas múmkindik. О́tinish toltyrýǵa 15 aq mınýt ketedi. Degenmen nátıje soǵan turarlyq. Alǵa qadam jasaýdan qoryqpaý kerek, - dedi ol.
Oqýshylar arasynda ınnovasııalyq jobalardyń Ulttyq olımpıadasynyń jobasyna ótinishterdi qabyldaý 15 qazanǵa deıin jalǵasady. «Qazaqstan-2050» jalpyulttyq qozǵalys saıtynda baıqaýǵa qatysý úshin ótinish berip, tirkelýge bolady.