«Negizi, kúlkili fotolarǵa Keıdjdiń emosııasy sebep bolǵan. Al shapan jabýdyń ózi halqymyzdyń tamasha bir dástúri bolyp sanalady. Endi, Nıkolas Keıdjdiń arqasynda osy dástúrimiz keńinen tanyldy. Men ózim oǵan rıza boldym. Endi, ózim de bizge, aqparat jáne kommýnıkasııalar mınıstrligine shet elden kelgen árbir qonaqqa tek shapan ǵana jabatyn bolamyn», - dep atap kórsetti Dáýren Áskerbekuly.
Aıta keteıik, jaqynda Astanaǵa kelip ketken Gollıvýd juldyzy Nıkolas Keıdjge Qazaqstan halyq ártisi Aıman Musaqojaeva shapan japqan bolatyn. Onyń dál osy shapanmen túsken fotosy keńinen tarap, kúlkili kollajdarǵa túrtki boldy. Barlyǵy onyń shapanyn emes, betindegi emosııasyn kelemejge aınaldyrdy. Eki kúnniń ishinde Gollıvýd juldyzynyń memge aınalǵan fotolaryn Reseı men Ýkraınanyń buqaralyq aqparat quraldary da jarııalady.Tipti, AQSh-tyń basylymdary da basyp shyǵardy.