QR Premer-Mınıstri Baqytjan Saǵyntaev Qaraǵandy oblysyna jumys sapary barysynda «Saryarqa Nan Qaraǵandy» JShS kásipornyna bardy, onda nan-toqash ónimderi óndirisiniń tehnologııalyq erekshelikteri men ınnovasııalyq sheshimderimen tanysty. Bul týraly primeminister.kz habarlady.
Nan pisirip shyǵaratyn zaýyttyń bas dırektory Aıgúl Búrlenova óndiriste qoldanylatyn tehnologııalar men kásiporynnyń keleshektegi josparlary týraly aıtyp berdi. О́ndiris orny undy ydyssyz saqtaý orny, sý óńdeıtin bólmesi, kondıterlik seh pen qalypty nan pisiriletin týnneldik peshi bar keshennen turady. Budan keıin Baqytjan Saǵyntaevqa zaýyt shyǵaratyn nan-toqash ónimderiniń kórmesi kórsetildi.
Aıta keteıik, «Saryarqa Nan Qaraǵandy» JShS kásiporny 2017 jylǵy 4 aqpanda iske qosylǵan. Úzdiksiz óndiristik qarqynmen jumys isteıtin nan shyǵaratyn jańa zaýyt óndiristiń zamanaýı energııa únemdeýshi eýropalyq jabdyǵymen qamtamasyz etilgen. Qazirgi tańda munda 1 800 tonnadan astam nan ónimi shyǵarylǵan.