Telefon arqyly subat 27 shildeniń keshinde qazaq tarapynyń bastamasymen oryn aldy.
Qazaqstan mysyrlyq bılikterden jas adamdardyń ustap áketilý sebepteri men olardyń qazirgi tańda bolý mekenjaıy, densaýlyqtary týraly tolyq aqparatty kútip otyr, dedi Q. Ábdirahmanov. Ustap alynǵandardyń barlyǵymen Qazaqstan konsýlynyń kezdesýin uıymdastyrý qajet.
S. Shýkrı qoıylǵan suraqtardy tolyǵymen túsinip otyrǵanyn jáne olardyń dáıektiligin aıtyp, bul máselelerdi sheshýde barynsha járdem kórsetýge ýáde berdi.
Sondaı-aq, mınıstrler áńgime barysynda negizin joǵarǵy deńgeıdegi kezdesýler qalaǵan eki memleket arasyndaǵy saıası, saýda-ekonomıkalyq jánee mádenı-gýmanıtarly yntymaqtastyqtyń sátti damýyn talqylady.
Aıta keteıik, osyǵan deıin Mysyrda 6 stýdenttiń joǵalyp ketkendigi týraly aqparat jarııalandy. Keıinirek stýdentterdiń Mysyrdyń quqyq qorǵaý organynda bolǵandyǵy anyqtaldy. Osyǵan baılanysty Qazaqstannyń Mysyr elindegi elshiligi osy oqıǵaǵa baılanysty resmı jaýap talap etti. Sondaı-aq Qazaqstan men Mysyrdyń Syrtqy ister mınıstrleri kezdesetindigi aıtylǵan bolatyn.