Budan buryn sońǵy aptalardaǵy mýsson jańbyrly kezeńinde shamamen 230 adamnyń qaza bolǵany aıtylǵan.
«Úndistan shtattaryna keltirilgen zalal týraly aqparattarǵa sáıkes, jyl basynan beri nóserli jaýyn, sý tasqyny men laı kóshkini saldarynan 600 adam qaza bolǵan. 226 adam lagerlerde ómir súrýde, 63 myń úı qırap, 280 myń gektarǵa jýyq egis alqaby jaramsyz bolyp qalǵan», – dep málimdedi mınıstr.
Úndistanda jyl saıyn adam shyǵynyna sebep bolatyn eń qaýipti tabıǵı apattardyń biri – sý tasqyny. Bıylǵy qańtar aıynda eldiń meteorologııa departamenti 2016 jyly qolaısyz aýa raıy men tabıǵı apat saldarynan 1,6 myńǵa jýyq adam ajal qushqanyn habarlady. Olardyń basym bóligi – 700-ge jýyǵy aptap ystyqtan qaıtys bolǵan. Adam shyǵyny jaǵynan ekinshi orynda sý tasqyny tur – 475 adam kóz jumǵan. Taǵy 415 adamdy naızaǵaı soǵyp óltirgen.