Joǵarǵy sot jemqorlyqqa qatysty iske tek Navaz Sharıftiń ǵana emes, onyń otbasy músheleriniń de qatysy bar dep tanyp otyr. Olardyń qatarynda úkimet basshysynyń qyzy jáne eki balasy bar. Premer-mınıstrdiń isine qatysty úkimdi Joǵarǵy sottyń bes múshesi shyǵardy.
Halyqaralyq jýrnalıstik zertteýler birlestigi byltyr 3 sáýirde daýly málimetter jarııalaǵan bolatyn. Onda 200-den astam Pákistan azamatynyń ofshorlyq kompanııalardyń ıeleri bolyp tabylatyny, olardyń ishinde Pákistan premeri Navaz Sharıftiń balalary (eki uly – Hýseın men Hasan jáne qyzy – Marıam) jáne týystary bar ekeni aıtylady.
Navaz Sharıf Pákistan premer-mınıstri laýazymyn tórt ret atqarǵan. Ol 1990 jyldyń qarashasynan 1993 jyldyń sáýirine deıin, 1993 jyldyń mamyrynan shilde aıyna deıin, 1997 jyldyń aqpanynan 1999 jyldyń qazan aıyna deıin jáne 2013 jyldyń shildesinen qazirgi ýaqytqa deıin Pákistan úkimetin basqardy.