51 jastaǵy bolgar mamany juldyzdar komandasyn jattyqtyratyn boldy. Bul qurama sapynda Ernan Krespo, Gaıska Mendeta, Jeremı Njıtap, Aleksandr Shovkovskıı, Iаrı Lıtmanen jáne taǵy basqa oıynshylar óner kórsetedi.
Sonymen qatar, Stoıchkov EKSPO nysandaryn aralap kórmek. Bul týraly EXPO 2017 Football Cup týrnıriniń Facebook-tegi resmı paraqshasynda jazylǵan.
Hrısto Stoıchkov «Barselona» sapynda 1990-1997 jyldar aralyǵynda (bir jyl úzilispen) oınap, 175 matchta 83 gol soqty. Budan bólek ol SSKA (Bolgarııa), «Parma» (Italııa), «Al-Nasr» (Saýd Arabııasy), «Kasıva Reısol» (Japonııa), «Chıkago Faır» jáne «Dı Sı Iýnaıted» (AQSh) komandalarynyń namysyn qorǵady. Bolgarııa quramasy sapynda 83 oıyn ótkizip, 37 dop saldy.
Onyń basty jetistigi - «Altyn dop». 1994 jyly Stoıchkov Eýropanyń úzdik oıynshysy ataǵyna ıe boldy. World Soccer men FIFA nusqalary boıynsha HH ǵasyrdaǵy eń úzdik 100 fýtbolshynyń qataryna kirdi.