Amazon kompanııasynyń basshysy Djeff Bezos Forbes The World's Billionaires nusqasy boıynsha álemdegi eń baı adamdardyń reıtıngindegi birinshi ornynan aıyrylyp qaldy. Ol bul orynǵa nebári bir-aq kún ıe boldy.
Málimetter boıynsha, Microsoft basshysy Bıll Geıts qaıtadan jetekshi orynǵa shyqty. 28 shildedegi jaǵdaı boıynsha Bezostyń baılyǵy 543 mıllıon dollarǵa túsip qalyp, 88,7 mıllıard dollarǵa baǵalanyp otyr. Geıtstiń kapıtaly 89,8 mıllıardty quraıdy.
Al Bloomberg Bezosty 89,3 mlrd dollarǵa, Geıtsti 90,7 mlrd dollarǵa teńep otyr. Bezostyń jetekshilikten túsip qalýyna Amazon-nyń aksııasy quldyraýy sebep boldy. Bul tizimde úzdik úshtikti (Forbes, Bloomberg nusqasy boıynsha) Inditex holdınginiń basshysy Amansıo Ortega túıindep otyr.
Bezostyń álemdegi eń baı adam ekeni búgin ǵana habarlanǵan bolatyn. Keshe, ıaǵnı 27 shildede onyń jaǵdaıy 90,5 mlrd dollarǵa baǵalandy. Bul Bıll Geıtstiń dáýletinen 500 mln-ǵa kóp.