Promoýter Tom Leffler Gennadıı Golovkınniń 16 qyrkúıek kúni Alvarspen bolatyn kezdesýinde óziniń barlyq ataqtaryn báske tigetindigin aıtty, dep habarlaıdy Sports.kz.
«Golovkın WBC, WBA, IBF jáne IBO nusqalary boıynsha óziniń barlyq ataqtaryn qorǵaıdy. Ol «Kanelomen» kezdesýi barysynda sondaı-aq ózi qorǵaıtyn ataqtardyń tizimine The Ring jýrnalyndaǵy tıtýlyn da qospaq. Bul kezdesýdiń jankúıerlerdiń kóńilinen shyǵatyndyǵyna senimdimiz. Bul dıvızıondaǵy eń úzdik boksshylardyń naǵyz babyndaǵy kezdesýi sonymen qatar álemdegi satylymy eń joǵary sheberlerdiń judyryqtasýy»,-dedi Leffler. Promoýterdiń sózin Boxingscene.com saıty keltirdi.
Aıta keteıik, «Kanelo» osyǵan deıin WBA men IBF nusqalary boıynsha ǵana talasatyndyǵyn, sondaı-aq óziniń «The Ring» jýrnalynyń nusqasy boıynsha jelilik álem chempıony ataǵyn «báske» tigetindigin málim etken bolatyn.