Elordada Qorshaǵan ortany qorǵaý jáne tabıǵatty paıdalaný basqarmasy deratızasııalyq is-sharalardyń kóktemgi kezeńin bastady. О́ńdeý jumysy jeke sektor men ashyq aýmaqtardy – saıabaqtardy, ózen aýmaǵyn, sý aıdyndaryn, kanaldardy, zırattardy qamtıdy, dep habarlaıdy Egemen.kz.
Qala ákimdiginiń málimetinshe, jabyq aýmaqtardaǵy deratızasııa 15 naýryzda bastalyp, 15 sáýirge deıin jalǵasady, al ashyq aýmaqtarda 15 sáýirden 15 mamyrǵa deıin júrgiziledi.
Jeke sektor turǵyndaryna arnaıy ýlanǵan jemder tegin taratylyp, sol jerde qaýipsizdik tehnıkasy boıynsha nusqaýlyq júrgiziledi.
Deratızasııa úsh kezeń boıynsha ótedi, ıaǵnı dezınfeksııa mamandary árbir turǵyn alapty úsh ret aralap shyǵady. Jalpy 28 myńnan astam turǵyn úıdi óńdeý josparlanyp otyr.
Úı ıelerine saqtyq sharalaryn qatań saqtap, ýlanǵan jemderdi balalardyń qoly jetpeıtin jerlerge, mysaly, jertólelerge nemese shatyrlarǵa qoıý usynylady.
Sondaı-aq deratızasııa ashyq aýmaqtarda da júrgiziledi. Ýlanǵan jemder saıabaqtarda, ózen aýmaǵynda, kanal boıynda, sý aıdyndarynyń mańynda jáne zırattarda ornalastyrylady.
Astanada LRT poıyzdary synaqtan sátti ótti
Deratızasııa Qazaqstan Respýblıkasynyń aýmaǵynda qoldanýǵa ruqsat etilgen dándi ýlanǵan jemder arqyly júrgiziledi.
Bul sharalar kemirgishter sanyn azaıtýǵa jáne asa qaýipti juqpaly aýrýlardyń taralýynyń aldyn alýǵa baǵyttalǵan.
«Taza Qazaqstan»: Astanada 483 júk kóliginiń júrgizýshisine aıyppul salyndy