Qazaqstannyń Turǵyn úı qurylys jınaq banki kelesi aıdan bastap jańa «Baspana» baǵdarlamasyn júzege asyrady, dep habarlaıdy Baq.kz aqparat agenttigi.
«2017 jyldyń 1 tamyzynan bastap «Baspana» jańa tarıftik baǵdarlamasynyń júzege asyrylatyndyǵyn habarlaımyz», - dep jazylǵan banktiń banktiń baspasóz qyzmeti taratqan habarlamada.
«Baspana» tarıftik baǵdarlamasy banktiń buǵan deıingi usynǵan tarıftik baǵdarlamalarynyń barlyq shartyn biriktirip, qazaqstandyqtarǵa óz turǵyn úı josparyn jyldam ári ońaı qurýǵa múmkindik beredi.