QR UU «Shyǵys» óńirlik qolbasshylyǵynyń baspasóz qyzmetiniń bastyǵy Baǵdat Amangeldiniń habarlaýynsha, О́skemendegi «Shyǵys» óńirlik qolbasshylyǵyna bıylǵy kóktemde Almaty qalasynan, Qyzylorda, Pavlodar, Jambyl, Aqmola, Qaraǵandy jáne Ońtústik Qazaqstan oblystarynan shaqyrylǵan jáne jas sarbaz kýrsynan ótken 450 jaýynger kelgen. Búgin olar Otanǵa jáne halyqqa árqashan adal bolýǵa ant etip, Ulttyq ulannyń tolyqqandy jaýyngeri atandy.
Aıta keterligi, bıylǵy jyly Ulttyq ulan qataryna qosylǵaly otyrǵan jas sarbazdar úshin ant qabyldaý Qazaqstan Respýblıkasy Qarýly kúshteriniń jáne Ulttyq ulannyń 25 jyldyq mereıtoıymen tuspa-tus kelip otyr.
Saltanatty sharaǵa О́skemen qalasynyń ákimi jáne de oblystyq, qalalyq májilis depýtattary, «Nur Otan» HDP fılıalynyń basshylary, dinı uıym ókilderi men Ishki ásker ardagerleri, sondaı-aq elimizdiń ár óńirinen kelgen sarbazdardyń týǵan-týystary men oqýshylar qatysty. Ant qabyldaý rásimi barysynda jas sarbazdardyń saptyq daıyndyq jáne qoıan-qoltyq urys ádisteri kórsetildi.
«Búgin sender Qazaqstan memleketine jáne onyń Prezıdentine, Ata zańyna adal qyzmet etýge saltanatty túrde ant berdińder! Bergen anttaryńa adal bolyp, jaýyngerlik qyzmetterińdi abyroımen atqaryp, ata-analaryńa aman-esen oralýlaryńa tilektespin!» -dedi QR Ulttyq ulany «Shyǵys» óńirlik qolbasshylyǵynyń qolbasshysy general-maıor Talapker Ámreev.
Shara sońynda jas sarbazdar negizgi jeke qurammen bir sapta saltanatty sherýmen júrip ótti.