Qalalyq Bilim basqarmasy Qazaqstandyq mektepke deıingi uıymdar qaýymdastyǵymen birlesip uıymdastyrǵan is-sharada áleýmettik mańyzy mol jobamen aınalysýǵa qyzyǵýshylyq tanytqan kásipkerlerge tegin konsýltasııa berildi.
Oqýshylar saraıynda oryn alǵan shara múddeli tulǵalardyń barlyǵyn bir jerde jınady. Olar mektepke deıingi mekemeni ashýǵa nıet bildirgen kásipkerler, jekemenshik balabaqshany ashýdyń sátti tájirıbesi bar bilikti mekeme basshylary jáne osyndaı mekemeni ashýdyń tártibi, oǵan memlekettik bilim berý tapsyrysyn ornalastyrý týraly qajetti aqparat usynýǵa daıyn bolǵan memlekettik qurylym ókilderi.
Qazir astanalyq balabaqshaǵa 47 myńǵa jýyq bala barady. Olardyń 27 193-i memlekettik, 14 854-i jeke baqshaǵa barady. Shamamen 5 myń búldirshin shaǵyn ortalyqqa jáne mektepke deıingi mekemelerge (mektepke daıarlyq ortalyqtary) barady. Kún saıyn jeke baqshaǵa joldama alatyn búldirshinderdiń sany artýda.
Elordalyq búldirshinderdi mektepke deıingi daıyndyqpen 100% qamtamasyz etý maqsatynda, jekemenshik sektormen tyǵyz jumys júrgizilýde. 2016 jyly memlekettik tapsyrysy bar 4 000 orynda qamtıtyn 44 jeke balabaqsha ashylyp, búgingi tańda qyzmet jasaýda. Osy jyly Bilim basqarmasyna kásipkerler tarapynan 5 myńnan astam oryndy qamtamasyz etetin jekemenshik balabaqshalarǵa tapsyrys berilgen. Bul sandy kóbeıtý kózdelip otyr.
2017 jyly 480 oryndyq 2 memlekettik balabaqsha jáne ulttyq kompanııalar qol qoıǵan memorandým aıasynda 720 oryndyq úsh balabaqshany tapsyrý josparlanǵan, sondaı-aq balabaqshalar qurylysy boıynsha jekemenshik seriktesterdi anyqtaý konkýrsy ótkizildi. Qazirgi tańda memlekettik-jekemenshik áriptestik sheńberinde 2019 jyly 1 680 oryndy qamtıtyn 6 balabaqshanyń jobasy júzege asyrylýda.