A. Aıdarbaev Ult josparyn iske asyrý aıasynda «bir tereze» qaǵıdasy men qurylystyń ruqsat qujattaryn alýdyń úsh satyly qaǵıdasy engizilgenin málimdedi. Qujattardy alý men eskızdik jobalardy bekitý merzimderi – 40-60 kúnnen 17-6 jumys kúnine deıin qysqartyldy. Qurylys salýǵa ruqsat berý elektrondyq túrde habarlama berýge almastyryldy.
«2020 jylǵa qaraı jobalyq-smetalyq qujattamanyń 90 paıyzǵa deıin saraptamasyn jeke naryq júrgizetin bolady. Búginde bul kórsetkish 60 paıyzǵa jetti», - dedi A. Aıdarbaev.
Budan ózge, onyń aıtýynsha, Eýrokodtarǵa arnalǵan jańa normatıvtik baza engizildi jáne 2019 jyldyń sońyna deıin osy júıege tolyqtaı aýysý jumystary júrgiziledi. Sondaı-aq jyl sońyna deıin jalpy qurylystyq máseleler boıynsha QNjE joıylady, olardyń ornyna zamanaýı talaptarǵa saı jańa normalar men erejeler engiziledi.
«Qurylys salasyndaǵy reformalardyń nátıjesinde Qazaqstan Doing Business esebi boıynsha 2015 jyldan bastap óz ornyn 130 pýnktke jaqsartty, ıaǵnı 152-den 22-orynǵa kóterildi», - dedi A. Aıdarbaev.