«Eger tarıhqa kóz júgirtsek, bizdiń kógimizde aıdyń tutylmaǵanyna biraz ýaqyt ótipti. Sońǵy ret alty jyl buryn tolyq tutylǵan eken. Araǵa osynsha ýaqyt salyp, ıaǵnı tamyzdyń 7-sinen 8-ine qaraǵan túni bizdi ǵajaıyp kórinis kútip tur. Jartylaı bolsa da aı tutylady. Jartylaı degenimiz, bul túni jer kóleńkesi konýsynyń túneginde tolǵan Aı tabaǵynyń bir bóligi ǵana ornalasady. Iаǵnı tún bastalǵanda Aı tolyp turady da, ýaqyt óte kele, onyń basym bóligi kózden «ǵaıyp» bolady», - dedi Soltústik Qazaqstan memlekettik ýnıversıtetiniń dosenti Andreı Solodovnık Sputnik Kazahstan portalyna bergen suhbatynda.
Al Vasılıı Fesenkov atyndaǵy Astrofızıka ınstıtýtyna qarasty Aı jáne ǵalamsharlar zerthanasynyń meńgerýshisi Vıktor Teıfeldiń pikirinshe, bul jylyna eki úshi ret bolatyn sırek qubylys. Professor aıdyń tutylǵan sátin qalaı kórýge bolatynyn da aıta ketti.
«Aı kórinetin jerge shyǵý kerek. Dúrbi bolsa jaqsy, árıne. Tereze ońtústikke qarap tursa jáne aspandy kórýge eshqandaı kedergi bolmasa, úıden shyqpaı-aq tamashalaýǵa bolady», - deıdi ol.
Aıta keteıik, Aıdyń tutylýyn Astana ýaqytymen saǵat 23.20 men saǵat 01.10 aralyǵynda baıqaýǵa bolady.