Alaıda, «Ońtústik Oral temirjoly» AAQ-daǵy qaıta jańǵyrtý jumystaryna baılanysty olardyń biri júrýin toqtatyp, jolaýshylar úshin qıyndyqtar týyndaǵan bolatyn. Endi, mine, turǵyndardyń ótinish-tilekteri tolyǵymen qanaǵattandyryldy. «Qazaqstan temirjol» AQ-y elektr poıyzdy jalǵa alyp, baǵytty qaıtadan qalpyna keltirdi. Jurtshylyq burynǵydaı avtobýspen bolmasa taksımen sabylmaıtyn boldy.
«Bıyl Esilkól, Petýhovo baǵyttaryna júretin elektrli poıyzdardyń kútimine jergilikti bıýdjetten 280 mıllıon teńge baǵyttalǵan. Eki aralyqta aıyna shamamen alǵanda 17 myńdaı adam qatynaıdy. Jańa oqý jyly bastalǵanda bul kórsetkishtiń arta túseri sózsiz», deıdi oblystyq jolaýshylar kóligi jáne avtomobıl joldary basqarmasynyń bólim jetekshisi Mırhat Ábilmájinov.
О́mir ESQALI, «Egemen Qazaqstan»