Ol búgingi tańda О́nimdi jumys pen jappaı kásipkerlikti damytý baǵdarlamasy aıasynda shaǵyn nesıe alýǵa tilek bildirgen adamdar sany osy maqsatqa qarastyrylǵan qarajat mólsherinen kóp ekenin atap ótti.
Sonymen qatar QR EjHÁQM shaǵyn nesıe alýǵa nıetti azamattardy qamtýdy arttyrý jumystaryn júrgizip jatyr.
«Birinshiden, biz qarjy ınstıtýttarymen ónimdi jumyspen qamtý baǵdarlamasynyń qarajaty boıynsha aýyl sharýashylyǵy kooperatıvterin nesıelendirýmen aınalyspaımyz, al basty nazardy jumyssyz jáne ózin-ózi jumyspen qamtyǵandarǵa aýdaramyz dep kelistik, olar úshin 18 mln emes, 2 nemese 3 mln kólemindegi shaǵyn nesıe jetkilikti. Bul Baǵdarlama qatysýshylarynyń sanyn arttyrýǵa múmkindik beredi.
Ekinshiden, bizde 5,5 jyl boıy Bıznestiń jol kartasy-2020 baǵdarlamasy júzege asyryldy, ol boıynsha da shaǵyn nesıeler berip keldik. 5,5 jyl ishinde 99 mlrd teńge shaǵyn nesıe túrinde berildi jáne qazir ol aqsha birtindep qaıtarylýda. Búginde Aýyl sharýashylyǵyn qoldaý qorynyń qaryz alýshylar merziminen buryn qaıtarǵan qarajaty bar, biraq olardy jergilikti bıýdjetke qaıtarý merzimi áli bolmady», – dep túsindirdi B. Nurymbetov.
Ol О́nimdi jumys pen jappaı kásipkerlikti damytý baǵdarlamasynyń qatysýshylaryn Aýyl sharýashylyǵyn qoldaý qorymen úsh mlrd jýyq teńgege nesıelendirý baǵyty týraly kelisimge qol jetkizilgenin aıtty.
«Biz Baǵdarlamaǵa qajetti túzetýlerdi engizdik. Sáıkesinshe, budan ári biz bul tetikti pysyqtaımyz, bul bizdiń qatysýshylarymyzdy shaǵyn nesıelendirý úshin qosymsha qarajat kózi bolady», – dep atap ótti B. Nurymbetov.