Búginde qazaqstandyq muǵalimderdiń ortasha aılyǵy 70 myń – 90 myń teńge aralyǵynda. Bul týraly Ortalyq kommýnıkasııalar ortalyǵynda ótken baspasóz máslıhatynda Bilim jáne ǵylym vıse-mınıstri Bıbigúl Asylova málimdedi.
«Memlekettik qoldaýdyń arqasynda muǵalimderdiń jalaqysy eki-úsh jyl saıyn kóbeıip otyr. Búginde qazaqstandyq ustazdardyń ortasha jalaqysy 70-90 myń teńge kóleminde. Onyń ústine qosymsha jumystaryna baılanysty 25 paıyz ústemaqy qosylady. Sonda orta eseppen bir muǵalim aıyna 105-110 myń jalaqy alady», deıdi vıse-mınıstr.
Ol sondaı-aq, muǵalimderdiń aılyǵyn kóbeıtý máselesi kún tártibinen túspeıtinin, bıýdjettiń jaǵdaıyna baılanysty birtindep ósip otyratynyn atap ótti.
Al oqý bitirip, jumysqa jańadan kirgen jas maman alǵashqy kezderi 70 myń teńge jalaqy alady. Bul isin endi bastaǵan muǵalim úshin jetkilikti dep sanaıdy vıse-mınıstr.
Qymbat TOQTAMURAT
«Egemen Qazaqstan»