Boksshy Jánibek Álimhanuly dopıng isine baılanysty berilgen dıskvalıfıkasııany qaıta qaratý úshin resmı qadam jasady. Ol komandasymen birge WBO uıymyna apellıasııa joldap, jazany qysqartý nemese tolyq alyp tastaýdy surady, dep habarlaıdy Egemen.kz.
Boksshynyń qanynan tyıym salynǵan meldonıı zaty anyqtalǵannan keıin oǵan jeltoqsan aıyna deıin dıskvalıfıkasııa berilgen. Bul jaǵdaı ótken jyly kýbalyq boksshy Erıslandı Laramen josparlanǵan jekpe-jek aldynda belgili bolǵan.
Qazirgi tańda Álimhanuly WBO nusqasy boıynsha orta salmaqtaǵy álem chempıony ataǵyn saqtap otyr. Onyń apellıasııasy uıymnyń arnaıy komıssııasynda qaralýda. WBO ókilderi sońǵy sheshim jaqyn ýaqytta qabyldanatynyn aıtyp, dıskvalıfıkasııa ózgerissiz qalýy da, qysqarýy da nemese tolyq joıylýy da múmkin ekenin málimdedi.
Jánibek Álimhanuly P4P reıtınginde úzdik bestikke endi
Osy ýaqyt ishinde WBO ýaqytsha chempıondyq tıtýl engizdi. Ony brıtandyq boksshy Denzel Bentlı jeńip alyp, basty úmitkerlerdiń birine aınaldy. Endi uıym Bentlı men joǵary reıtıngtegi kýbalyq boksshy Ioenlıs Ernandes arasynda jekpe-jek uıymdastyrýdy josparlap otyr.
Eger Álimhanuly apellıasııada jeńiske jetse, onda WBO ony birden Bentlımen chempıondyq jekpe-jekke shyǵarýy múmkin. Bul jaǵdaıda Ernandes kelesi mindetti qarsylas retinde kezegin kútedi.
Jánibek Álimhanuly álemdik reıtıngten shyǵyp qaldy
Aıta keteıik, tergeý nátıjesinde Jánibek Álimhanuly IBF nusqasy boıynsha chempıondyq belbeýinen aıyrylǵanymen, WBO tıtýlyn saqtap qaldy.