Búgin Qazaqstannyń basym aýmaǵynda aýa raıy kúrt qubylyp, jańbyr, naızaǵaı, keı jerlerde burshaq pen ekpindi jel kútiledi. Osyǵan baılanysty birqatar óńirlerde eskertý jarııalandy, dep habarlaıdy Egemen.kz.
«Qazgıdromet» usynǵan málimetke sáıkes, elordada kún bultty, jańbyr jaýyp, naızaǵaı oınaıdy. Jeldiń jyldamdyǵy 7-12 m/s-qa deıin jetedi. Aýa temperatýrasy túnde +7...+9°C, kúndiz +22...+24°C shamasynda bolady.
Almatyda aýa raıy turaqty, jaýyn-shashynsyz. Jeldiń ekpini 3-8 m/s-qa deıin jetedi. Aýa temperatýrasy túnde +10...+12°C, kúndiz +23...+25°C.
Shymkentte jańbyr men naızaǵaı kútiledi, jel 8-13 m/s, ekpini 15-20 m/s-qa deıin jetedi. Aýa temperatýrasy túnde +14...+16°C, kúndiz +25...+27°C.
Aqtaýda jáne Aqtóbede jaýyn-shashyn bolmaıdy, jeldiń 5-10 m/s jáne 2-7 m/s-qa deıin jetedi. Aýa temperatýrasy túnde +2...+10°C, kúndiz +12...+14°C.
Atyraýda da aýa raıy qubylmaly bultty, jaýyn-shashynsyz. Aýa temperatýrasy túnde +6...+8°C, kúndiz +16...+18°C.
Boljamdar naqtylana túspek: «Qazgıdromet» sýperkompıýterdi paıdalana bastady
Jezqazǵan men Qaraǵandyda jańbyr jaýyp, naızaǵaı oınaıdy, jeldiń ekpini 5-12 m/s-qa deıin jetedi. Aýa temperatýrasy túnde +7...+10°C, kúndiz +21...+25°C.
Kókshetaýda jańbyr jaýyp, jel kúsheıedi (5-10 m/s). Aýa temperatýrasy túnde +8...+10°C, kúndiz +20...+22°C.
Qonaevta aýa raıy turaqty, jaýyn-shashynsyz. Aýa temperatýrasy kúndiz +26...+28°C jyly.
Qostanaı, Pavlodar, Semeı, Taldyqorǵan jáne О́skemen qalalarynda jaýyn-shashyn kútilmeıdi, jeldiń ekpini 3-14 m/s aralyǵynda.
Qyzylorda, Taraz jáne Túrkistanda jańbyr jaýyp, kún kúrkireýi múmkin. Keı jerlerde jeldiń ekpini 15-20 m/s-qa deıin jetedi.
Petropavlda jeldiń ekpini 15-20 m/s-qa deıin kúsheıedi, bul turǵyndarǵa qaýip tóndirýi múmkin.
Oralda túnde aýa temperatýrasy 0...+2°C deıin tómendep, topyraq betinde -3°C-qa deıin úsik júrýi yqtımal. Aýa temperatýrasy kúndiz +10...+12°C jyly.
Sınoptıkter qolaısyz aýa raıyna baılanysty saqtyq sharalaryn kúsheıtýdi eskertedi.
Keshegi kúni eldiń basym bóligi jaýyn-shashyndy bolǵan.