Almaty oblysynyń əkimi Amandyq Batalov pen Tıchıno kantonynyń ekonomıka jəne qarjy mınıstri K.Vıtte qol qoıǵan qujat eki jaqty baılanystardyń jańa belesine jol ashady dep kútilýde.
Elimizdiń Qarjy mınıstri Baqyt Sultanov, Qazaqstan Respýblıkasynyń Shveısarııa Konfederasııasyndaǵy Tótenshe jəne О́kiletti elshisi Janar Aıtjanova, Shveısarııa Konfederasııasynyń prezıdenti Dorıs Lıoıthardtyń jəne basqa da laýazymdy tulǵalardyń qatysýymen ótken Memorandýmǵa qol qoıý rəsiminde oblys basshysy A. Batalov Jetisý óńiriniń ınvestısııalyq múmkindikterine qysqasha toqtalyp ótti.
- Almaty oblysy men Tıchıno kantony klımaty jaǵynan da, tabıǵaty jaǵynan da uqsas. Bir-birimizdi tolyqtyratyn, úırenetin ortaq dúnıeler barshylyq. Týrızmdi damytýda, aýyl sharýashylyǵyna, óńdeý ónerkəsibine jańa tehnologııalar tartýda, jasyl energetıkany engizýde Shveısarııadan úırenerimiz kóp. Məselen, Almaty oblysynda turmystyq qatty qaldyqtardy óńdeıtin iri kəsiporyn joq. Osy jaǵynan da əriptestik baılanys múmkindikterin qarastyrýdy josparlap otyrmyz. Aldaǵy ýaqytta təjirıbe almasý men eki tarap kəsipkerleriniń arasynda jandy baılanys ornatýdyń ıgiligin turǵyndar kóredi dep oılaımyn, - deı kele A. Batalov tıchınolyq delegasııany Jetisý óńirine arnaıy shaqyrdy.
Tıchıno kantonynyń ekonomıka jəne qarjy mınıstri K. Vıtte óz sózinde memorandýmnyń zańdy jalǵasy retinde naqty jobalar júzege asyrylyp, ortaq nətıjege qol jetkiziletinine senim bildirdi.
Shara sońynda A. Batalov shveısarııalyq qonaqtarǵa oblystyń barlyq tarıhı oryndary aıqyn kórsetilgen qoldan əzirlengen kartasyn jəne Jetisý óńiri týraly kitapty syıǵa tartty.
Jalpy Qazaqstan men Shveısarııa arasyndaǵy əriptestik qarym-qatynastyń ornaǵanyna bıyl 25 jyl tolyp otyr. Memorandýmǵa qol qoıý rásimi osy aıtýly data qarsańynda EKSPO kórmesinde ótken Shveısarııanyń Ulttyq kúni aıasynda boldy.