Sebebi olar keshe ǵana óz narazylyqtaryn bildirgen edi. Ásirese, medısına salasyn tańdaǵan talapkerler alańdaýly. Ata-analar bıýdjetten qarastyrylǵan bilim granttary ádiletsiz bólingen dep esepteıdi. Sebebi, bilim grantynan qaǵylǵandardyń deni – «Altyn belgi» ıegerleri.
Aıta keteıik, bıylǵy oqý jylyna memleketten 37 932 bilim granty bólingen bolatyn. Narazy toppen kezdesken mınıstr árbir aryz-shaǵym jeke qaralady dep sóz berdi.
«Biz barlyq aryz-shaǵymdy jeke-jeke qarap, «Altyn belgi» ıegerleri úshin jańa tizim jasaımyz. Olardyń barlyǵy joǵarǵy oqý oryndaryndaǵy rezervpen qarjylandyrylady. Biraq shaǵymdanýshylardyń barlyǵyn birdeı grantpen qamtımyz dep aıta almaımyz. Barynsha joǵarǵy oqý oryndarynyń rektorlarymen kelisim jasaýǵa tyrysamyz», dedi Erlan Saǵadıev.