Kezdesýde taraptar elimizdegi bilim berý júıesi men oǵan memleketten jasalyp jatqan qamqorlyq jaıyn sóz etip, osy máseler aıasynda júzege asyrylyp jatqan túrli baǵdarlamalar týraly áńgimelesti. Ásirese, oblys basshysy óńirimizdegi jastardy «Serpin-2050» baǵdarlamasy aıasynda Soltústiktegi ózi basqaratyn oqý ornyna shaqyra kelgen qonaqtyń usynysyn qup kórip, ony júzege asyrýdyń jaı-japsaryn talqylady.
Tarıhy HH ǵasyrdyń 50 jyldarynan bastaý alatyn Rýdnyı Indýstrıaldyq ınstıtýty búginde tehnıkalyq ǵylym salasynda ınfraqurylymy damyǵan zamanaýı ǵylymı-bilim kesheni bolyp tabylady. Instıtýt quramynda – 3 fakýltet (taý-metallýrgııalyq fakýltet, energetıka jáne aqparattyq júıeler fakýlteti, ekonomıka jáne qurylys fakýlteti) pen 7 kafedra bar. Stýdentterdi oqytý jalpy orta, tehnıkalyq jáne kásibı, joǵary bilim bazasynda kúndizgi, keshki jáne syrttaı oqý nysany boıynsha memlekettik jáne orys tilderinde 18 bakalavr mamandyqtary boıynsha júrgiziledi.
Instıtýt oqytýshylary «Serpin-2050» baǵdarlamasy boıynsha sońǵy 2 jyldan beri shalǵaı aýyldardan talapkerlerdi qabyldap, búginge deıin 250 stýdentti (onyń 200-ge jýyǵy OQO-dan) maman atandyryp otyr. Joǵary oqý orny rektorynyń aıtýynsha, bıyl taǵy 130 stýdent bizdiń óńirden Rýdnyıǵa attanyp, bilimin jalǵastyrady dep kútilýde. Oqý ornyn bitirgen túlekterdiń 95-98 paıyzy mamandyǵy boıynsha jumysqa ornalasatynyn jetkizgen professor onda jastar úshin barlyq jaǵdaıdyń jasalǵanyn málimdedi.
Ákimmen ótken basqosýdan soń Á.Naızabekov Shymkenttegi Jastar ortalyǵynda birqatar talapkerlermen kezdesti. Rektor jastardy Soltústikte bilimin jalǵastyryp, sonda jumysqa ornalasýǵa shaqyrdy.
Aıta keteıik, «Serpin-2050» baǵdarlamasy boıynsha, 2014 jyly 1000 grant bólinip, kúngeılik 326 jas oqýǵa tússe, 2015 jyly 34 kolledjge 1200 grant bólinip, 359 talapker bilimin jalǵastyrdy. Byltyr 31 kolledjge 1000 grant bólinip, óńirimizden 244 jas oqýǵa tústi. Jalpy sońǵy 3 jylda Ońtústikten «Serpin-2050» baǵdarlamasy boıynsha JOO-nda 4698 stýdent, kolledjderde 929 jas bilim alýda.
Al 2017 jyly «Serpin-2050» baǵdarlamasy aıasynda JOO-na 3793 memlekettik grant, al kolledjderge 720 grant bólinip otyr. 23-31 shilde aralyǵynda memlekettik grant ıegeri atanýǵa óńirimizdiń jas túlekterinen «Serpin» jobasyna 7849 qujat tapsyrylǵan-dy.