QR AShM Agroónerkásiptik keshenindegi ósimdikter karantıni boıynsha memlekettik ınspeksııa basqarmasynyń basshysy Symbat Qalıasqarov jalpy salmaǵy 35 tonna qarbyz satylymnan alynyp, joıýǵa jiberilgenin málimdedi.
«Bul ónimdi satylymnan alǵyzdyq. О́nimniń satylymnan alynýy onyń tez arada joıylatynyn bildiredi. Bizdegi aqparatqa sáıkes, atalǵan ónimniń jalpy salmaǵy 35 tonnany quraǵan», – dedi ol.
Basqarma basshysynyń aıtýynsha, Qazaqstannyń ońtústik óńirlerinde, atap aıtqanda, OQO, Jambyl jáne Qyzylorda oblystarynda qaýyn shybyny beleń aldy.
«Jyl saıyn qaýyn shybynymen kúresýge qarjy bólinedi jáne olardy aýyzdyqtaý men joıý úshin karantındik sharalar júrgiziledi. Bálkim, bul qarbyzdar qaýyn shybynynan buzylǵan shyǵar», – dep atap ótti S.Qalıasqarov.
Sonymen birge, memlekettik ınspeksııa ókili qarbyzdardyń bul partııasynyń sertıfıkattalmaǵanyn habarlady.
«О́simdikter karantıni týraly zańǵa sáıkes, QR aýmaǵyna taraǵan karantındik obektilerdiń tizimi bar. Bul tizimde qaýyn shybyny da kórsetilgen. Karantınge jatqyzylǵan ónimdi oblysaralyq tasymaldaýdyń óz tártipteri bar. Ony tasymaldaý úshin karantındik sertıfıkat bolýy mindetti. Bul jaǵdaıda 35 tonna qarbyz sertıfıkatsyz tasymaldanǵan», – dedi ol.
Eske sala keteıik, osydan birer kún buryn áleýmettik jelide Astana bazarlarynyń birine jetkizilgen shirigen qarbyzdar týraly beınejazba tarady. Onda aq halatty áıel qarbyzdardy kesip kórsetip, olardyń jeýge jaramsyz ekenin aıtady.