Sakraldy Qazaqstan» ǵylymı-zertteý ortalyǵynyń basshysy, saıasattaný ǵylymdarynyń kandıdaty Berik Ábdiǵalıuly Qazaqstannyń Sakraldy kartasy boıynsha 100 kúndik jumystyń qorytyndysy týraly aıtyp berdi, dep habarlaıdy RrimeMinister.kz.
Berik Ábdiǵalıuly «Sakraldy Qazaqstan» ǵylymı-zertteý ortalyǵy 2017 jylǵy 15 mamyrda qurylǵanyn eske saldy. Sol kezde barlyq óńirde sakraldy oryndardy anyqtaý boıynsha oblystyq komıssııalar qurylǵan bolatyn. Ortalyqtyń mindetiniń biri - jobalardy saraptaý-ádistemelik súıemeldeý. Nysandardyń qundylyǵyn anyqtaýmen QR mádenıet jáne sport mınıstri Arystanbek Muhamedıuly basshylyq etken jumys toby aınalysady.
«Biz ázirlegen usynystar boıynsha óńirlerden shamamen 1 000 tizim kelip tústi. Búginde jetekshi ǵalymdar men qoǵam qaıratkerlerinen qurylǵan saraptaý keńesiniń sheshimimen mádenı muranyń 100-ge jýyq jalpy ulttyq jáne 500 óńirlik nysan anyqtaldy», – dep habarlady B. Ábdiǵalıuly.
Sondaı-aq, onyń aıtýynsha, qyrkúıekte mádenıet jáne sport mınıstrliginiń qoldaýymen, el óńirlerine respýblıkalyq «Sakraldy Qazaqstan» ekspedısııasyn uıymdastyrý josparda bar. Ekspedısııa kezinde ǵalymdar ólketanýshylarmen birlesip, árbir sakraldy nysandy qujattandyryp, olardyń qundylyqtary týraly baıandalatyn ańyzdar jazady.
«Is júzinde, halyq bul jerlerdi buǵan deıin anyqtap qoıǵan. Bizdiń mindetimiz – sakraldy oryndardyń biryńǵaı jelisin qurý. Bizge sakraldy jáne rýhanı qundylyqtar mańyzdy. Olar úlken tárbıelik jáne bilimdik sıpattaǵy ról oınaıdy. Keleshektegi mindet – olardy keńinen nasıhattaý. Adamdar qandaı qundylyqtarǵa ıe ekenderin túsinýi kerek», - dedi B. Ábdiǵalıuly.