27 tamyz kúni Qazaqstan terrıtorııasy antısıklonnyń yqpalynda bolyp, jaýyn-shashynsyz aýa raıy saqtalady, tek soltústik-batysta jáne soltústikte atmosferalyq fronttardyń ótýine baılanysty keı jerlerde ótkinshi jańbyr jaýyp, naızaǵaı oınaıdy. Jekelegen aýmaqtarda jel kúsheıedi, ońtústikte oǵan shańdy daýyl qosylady, dep habarlaıdy Qazgıdromet.
Ońtústik Qazaqstan, Aqtóbe, kúndiz Qyzylorda, Shyǵys Qazaqstan oblystarynyń keı jerlerinde 15-20 m/s ekpinde jel soǵady. Qyzylorda oblysynda jel shańdy daýylmen birge kúsheıedi.
Kúndiz Qostanaı oblysynyń, Qaraǵandy oblystarynyń keı jerlerinde naızaǵaı kútiledi, jeldiń jyldamdyǵy 15-20 m/s artady. Túnde Mańǵystaý oblysynyń keı aýmaqtarynda naızaǵaı oınap, kúndiz 15-20 m/s ekpinde jel turady. Aqmola, Soltústik Qazaqstan oblystarynyń keı jerlerinde kúndiz naızaǵaı kútiledi.
Kúndiz Aqtóbe, Qostanaı, Qaraǵandy oblystarynyń keı jerlerinde qatty ystyqtar saqtalady. Sondaı-aq Aqtóbe, Atyraý, Qyzylorda, keı jerlerde Ońtústik Qazaqstan, Jambyl, Almaty, Batys Qazaqstan, Shyǵys Qazaqstan, Qostanaı, Qaraǵandy, Aqmola oblystarynda óte joǵary órt qaýpi saqtalady.