Qıǵashtyń jaǵasy tazalandy

Sharanyń ashylý saltanatynda Qurmanǵazy aýdanynyń ákimi Bıboz Shaıahmetov: «Qor­sha­ǵan ortany taza ustaý, qor­ǵaý barshamyzdyń ortaq pa­ry­­z­ymyz. Eki eldiń arasy­nan óte­­tin Qıǵash óze­niniń eko­no­­mıkalyq ma­ńyzy zor. Bul ózen qos mem­leket úshin de aýyl sha­rýashylyǵy men tur­ǵyn­­­dardy sýmen qamtýda ma­­ńyz­­dy ról atqarady. Osy sha­raǵa ózen boıynda or­­na­las­qan okrýgterimiz at­­­salysady. Atalǵan aksııa Qıǵashtyń oń já­ne sol ja­ǵalaýyn qamtıdy. Re­seı ja­­ǵy arǵy betin tazalaı­dy. Ǵa­syrlar boıy irgeles ke­le jat­­qan eki eldiń tatýlyǵy ja­­ra­sa bersin», dedi.

Reseı Federasııasy Astra­ha­n oblystyq tabı­ǵat­ty paı­­da­laný jáne qor­­shaǵan ortany qor­ǵaý qyz­meti basshysynyń oryn­ba­sary Marına Galkına: «Mun­­daı sharalardy birigip ót­­kizý dástúrimizge aı­nal­dy. О́zara yn­tyq­maq­tastyǵymyz al­da­ǵy jyl­dar­­da da jal­ǵasyn ta­bady dep oılaımyn, – deı ke­lip, Astrahan oblysy úki­me­tiniń alǵys hatyn Aty­raý oblystyq tabıǵı resýrs­tar jáne tabıǵatty paıdalaný­dy retteý basqarmasynyń bas­shy­synyń orynbasary Oraq Bısembıevke, Astrahan oblystyq tabıǵatty paıdalaný jáne qorshaǵan ortany qor­ǵaý qyzmetiniń alǵys hatyn aý­dan ákimi Bıboz Shaıahmetovke ta­bys etti. 

Atyraý oblystyq tabı­ǵı resýrstar jáne ta­bı­ǵat­ty paıdalanýdy retteý bas­qarmasynyń bas­shy­synyń orynbasary Oraq Bısembıev: «Taza ja­ǵalaý» aksııasyn ótkizý kóp­t­en be­ri jalǵasyn taýyp kele jat­qan ıgi isterdiń biri. Bı­­yl Elbasymyz Nur­sul­­tan Nazarbaev óziniń «Bo­lashaqqa baǵdar: rýhanı jańǵyrý» atty ma­qa­lasyn jarııalady. Atal­ǵan tujyrymdamada al­ty baǵyt belgilengen. So­nyń birinshisi «Týǵan jer». Onyń týǵan jerden bas­ta­lýy­nyń ózinde úlken mán jatyr», dedi.

Aksııa barysynda Qı­ǵash ózeniniń jaǵalaýyn t­a­zar­tý jumystaryna Safon, Birlik, Kýdrıashov, Baıda, Shortanbaı, Qıǵash, Dyń­ǵyzyl aýyldyq okrýg­terinen kelgen turǵyndar da qatysty.

Qanat ǴUMAROV

Atyraý oblysy, Qurmanǵazy aýdany, Ganıýshkın aýyly