Qazaqstan Respýblıkasy Joǵarǵy Sotynyń Tóraǵasy Qaırat Mámı, «Astana» halyqaralyq qarjy ortalyǵynyń (AHQO) basqarýshysy Qaırat Kelimbetov, Anglııa jáne Ýelstiń burynǵy Joǵarǵy sýdıasy Lord Gerrı Výlf Qazaqstan Respýblıkasynyń Joǵarǵy Soty jáne AHQO arasyndaǵy yntymaqtastyq týraly memorandýmǵa qol qoıdy, dep habarlady Joǵarǵy Sottyń baspasóz qyzmeti.
Is-sharaǵa Grýzııa Joǵarǵy Sotynyń Tóraǵasy Nıno Gvenetadze, Joǵarǵy Sottyń sot alqalarynyń tóraǵalary, Joǵarǵy Sot janyndaǵy sottardyń qyzmetin qamtamasyz etý departamentiniń basshylyǵy, sonymen qatar AHQO ókilderi qatysty.
Q.Mámı is-sharany ashyp, Ult josparyn iske asyrý sheńberinde AHQO óz jumysyn 2018 jylǵy qańtardan bastaıtynyn atap ótti. Onyń aýmaǵynda halyqaralyq deńgeıdegi sýdıalardy tarta otyryp, aǵylshyn quqyǵyna negizdelgen sot jumys isteıtin bolady. О́zara is-qımyl máseleleri boıynsha Joǵarǵy Sot sýdıalarynyń Halyqaralyq ortalyǵy basshylyǵymen jáne onyń jetekshi sheteldik konsýltanttarymen birqatar kezdesýler ótkizgendigi atap ótildi.
Is-shara barysynda memorandýmnyń mańyzdylyǵy, sonymen qatar Joǵarǵy Sot pen AHQO arasyndaǵy yntymaqtastyq týraly Anglııa jáne Ýelstiń burynǵy Joǵarǵy sýdıasy Lord Gerrı Výlf jáne AHQO basqarýshysy Qaırat Kelimbetov sóz sóıledi.
Memorandým Qazaqstandaǵy quqyq ústemdigin qamtamasyz etýge jáne sot tóreligin jetildirýge, sonymen qatar sot bilimi salasyndaǵy is-sharalarǵa baǵyttalǵan birlesken bastamalardy iske asyrý kezinde Joǵarǵy Sot pen AHQO arasyndaǵy ózara is-qımyldyń negizgi baǵyttary men nysandaryn aıqyndaıdy.
Sońynda Joǵarǵy Sottyń Tóraǵasy Ulybrıtanııanyń burynǵy Joǵarǵy sýdıasy Lord Výlfqa AHQO qalyptasýyna kórsetken kómegi úshin alǵysyn bildirdi.