Almatyda qazaqstandyq ǵalymdar týraly kórme ashyldy

Kórmege memlekettik mý­zeıdiń qorynda saqtaýly belgili ǵalymdardyń jeke keshenderi qoıylǵan. Onyń ishinde Qazaqstan Ǵy­lym aka­demııasynyń negi­zin qa­laýshy, elimizde geo­lo­gııa­lyq ınstıtýtty qurýǵa bel­sene ara­lasqan akademık Qa­nysh Sátbaevtyń, etnoarheolog, shy­­ǵystanýshy, tarıhshy-ǵa­lym Álkeı Mar­ǵulannyń jeke buıymdary kelýshiler nazaryna usy­nyl­dy. Bul kórmeniń kelesi eks­pozısııasy kezinde Esik obasynan tabylǵan «Al­tyn adamdy» zertteýshi, Mem­lekettik syılyqtyń laýreaty, tarıh ǵylymdarynyń dok­tory Kemel Aqyshevtiń, etnograf, arheolog, tarıh ǵy­lymdarynyń doktory professor, Qazaqstan halyqtary sharýashylyq mádenıeti men turmysyn tııanaqty túrde baıandaıtyn kóptegen ǵylymı-tanymdyq monografııalardyń avtory Halel Arǵynbaevtyń jeke keshenderi qoıylmaq.

Sondaı-aq, kórmede al­ǵashqy ǵalym áıel-paleontolog, paleozoolog, bıologııa ǵy­ly­mynyń kandıdaty, Reseı Pa­leon­tologııa qoǵamynyń qur­­metti m­ú­shesi B.Qojam­qulo­va­nyń foto­qujat­tary qoıyldy.

Kórmeniń «Táýelsiz Qa­zaq­stannyń ǵalymdary – aka­­de­mıkter» dep atalatyn ekin­­shi bólimi akademıkter S.Zımanov, M.Asylbekov, J.Qa­symbaev, M.Qozybaev, A.Qo­shanov, E.Erǵojın jáne basqa ǵalymdardyń je­ke ke­shenderine arnalǵan. Bul bó­lim Qazaqstannyń zań ǵy­lym­darynyń bastaýynda turǵan, zańgerlik bilimniń damýyna zor úles qosqan, 200-den asa ǵylymı eńbektiń, onyń ishinde 12 monografııanyń avtory, akademık S.Zımanovqa arnalǵan ekspozısııadan bastalady.

Kórmede qoıylǵan árbir zat jastarǵa erteń qajettigimen qundy ekendigin túısinesiz.

Saparbaı PARMANQUL, «Egemen Qazaqstan»

ALMATY