QR Premer-Mınıstri Baqytjan Saǵyntaevtyń tóraǵalyǵymen ótken Úkimet otyrysynda 2018-2020 jyldarǵa arnalǵan bıýdjettik parametrler men Ulttyq qor boljamy qaraldy. Bul týraly primeminister.kz habarlady.
QR ulttyq ekonomıka mınıstri Tımýr Súleımenov respýblıkalyq bıýdjet kiristeri (transfertterdi esepke almaǵanda) 2018 jyly 5 528,4 mlrd teńge somasyna, 2019 jyly - 6 403,9 mlrd teńgege, 2020 jyly — 7 175,8 mlrd teńgege boljamdalǵanyn baıandady. 2018 jyly bıýdjet tapshylyǵyn JIО́-ge 1,1%-ǵa deıin tómendetý, 2019-2020 jyldary JIО́-ge 1,0% deńgeıinde anyqtaý usynylǵan.
Boljamdy túsimder men jospardaǵy tapshylyq deńgeıin esepke alǵanda respýblıkalyq bıýdjet shyǵyndarynyń boljamy 2018 jyly 9,2 trln teńge kóleminde, 2019 jyly — 9,7 trln teńge, 2020 jyly — 10,2 trln teńge kóleminde anyqtalǵan.
Munaı baǵasy barreline 45 AQSh dollary kezindegi Ulttyq qordyń boljamdy túsimderi men kepildikti transfertti tómendetý esebinen Ulttyq qordyń jalpy qarajat kólemi 2020 jyly boljam boıynsha 62,4 mlrd AQSh dollaryn (JIО́-ge 32,5%) quraıdy, dedi mınıstr.