Qazirgi kúni qurylysy qazandaı qaınap jatqan «Batys -2» turǵyn-úı aýdany aýmaǵy osydan 5-6 jyl buryn qulazyǵan mań dala bolyp edi desek buǵan eshkim qapelimde sene qoımas edi.
Senseńiz de, senbeseńiz de naqty shyndyq osyndaı. Qazir bul ara alyp qurylys alańyna aınalǵan. Eger ótken jyly oblysta 610 myń shary metrden astam turǵyn-úı paıdalanýǵa berilip, bes myńnan astam otbasy qonys toılaryn toılaǵan bolsa, sonyń deni «Batys-2» -de boı kótergen. Al óńirde bıyl «Nurly jer» baǵdarlamasy boıynsha salynyp jatqan úılerdiń úlesi men mólsheri bul kórsetkishten áldeqaıda joǵary.
Qazirgi kezde «Nur Aqtóbe» turǵyn-úı massıvinde kóp qabatty turǵyn-úıler paıdanýǵa berilip, úı kezeginde turǵandarǵa onyń kiltteri tapsyrý dástúrge aınalǵan. Keshe Konstıtýsııa kúni qarsańynda munda taǵy da 40 otbasy baspanaly bolyp, qýanyshqa keneldi. Olarǵa Aqtóbe oblysynyń ákimi Berdibek Saparbaev sý jańa páterlerdiń kiltin saltanatty jaǵdaıda tabys etti. Baspanaǵa ıe bolǵandar buǵan turǵyn-úı qurylys jınaq bankine jınaǵan salymdary arqyly qol jetkizgen.
Temir QUSAIYN, «Egemen Qazaqstan»