«Nurly jer» turǵyn úı qurylys baǵdarlamasy týraly aqparattar bazasy jınaqtalatyn «Baspana.kz» portaly jyl sońyna deıin iske qosylady. Turǵyn úı qurylys jınaq bankiniń salymshylary osy portal arqyly qalaǵan páterdi tańdap, satyp alý isin onlaın atqara alady. EKSPO-2017 kórmesindegi Sandyq pavılonda ótken «Turǵyn úı qurylys jınaq banki-onlaın» sharasynda atalǵan banktiń basqarama tóraıymy Lázzat Ibragımova banktiń ońtaılandyrylǵan jańa qyzmetteri týraly aıtyp berdi.
«Baspana.kz» jyljymaıtyn múlik portaly «Nurly jer» turǵyn úı qurylys baǵdarlamasymen salynyp jatqan barlyq nysan týraly málimetter jınaqtalatyn bazaǵa aınalmaq. Turǵyn úı qurylys jınaq banki tutynýshylary atalǵan memlekettik baǵdarlamanyń sharttary men turǵyn úıdiń sharshy metriniń baǵasy týraly tolyq málimetterdi ázirge vıdeo baılanys arqyly bile alady. Vıdeo bankıng júıesi test túrinde Almaty men Oral qalalarynyń turǵyndary arasynda iske asyrylýda. 2018 jyldan bastap jańa servıstiń bul túri Turǵyn úı qurylys jınaq bankiniń barlyq bólimshelerinde iske qosylmaq.
– Sıfrlyq tehnologııany iske asyrýǵa den qoıyp jatyrmyz. Búginde 70 myń tutynýshy mobıldi ınternet bankıng júıesin turaqty qoldanady. Al iske qosylyp otyrǵan vıdeobankıng qyzmeti eń aldymen ýaqyt únemdeýge kómektesedi, – degen «Qazaqstannyń Turǵyn úı qurylys jınaq banki» AQ basqarma tóraıymy Lázzat Ibragımova qashyqtan qyzmet alýdyń ózge de túrlerin atap ótti.
Onyń aıtýynsha, onlaın rejımde bank tutynýshylary jınaqtar men eseptelgen syıaqy somasyn bile alady. Depozıt tolyqtyryp, kez kelgen banktiń kartasymen komıssııasyz nesıe óteýge de bolady. Sondaı-aq, bank bólimshelerinen kezekke turyp, pýlǵa qatysý úshin ótinish berý qarastyrylǵan. Osy qosymshanyń arqasynda 47 myń salymshy memlekettik baǵdarlamalarǵa qashyqtan qatysa alady.
Shara barysynda qazaqstandyq shahmatshy Dınara Sádýaqasova bankten depozıt ashyp, jańa shottyń ıesi atandy. «Birinshiden, osyndaı tamasha sharaǵa shaqyrtý alǵanyma alǵys aıtamyn. Banktiń qyzmetterimen kópten tanyspyn, oılana kele depozıt ashýdy jón sanadym. Tutynýshylarǵa ońtaıly qyzmet usynyp otyrǵan bank qyzmetine tabys tileımin», dedi ol.
Eske sala ketsek, Turǵyn úı qurylys jınaq bankinen «Nurly jer» turǵyn úı qurylys baǵdarlamasy boıynsha páter satyp alý úshin kezekke turǵandar men turǵyndardyń ózge de sanatyna birneshe talaptar qoıylǵan. Atap aıtqanda, Qazaqstan Respýblıkasynyń azamaty, ıa oralman statýsynyń bolýy, sondaı-aq qatysýshy Astana men Almaty qalalarynan baspana alýǵa úmitti bolsa, osy sońǵy qalalarda sońǵy eki jylda tirkelgen bolýy kerek. О́tinishte kórsetilgen otbasy múshelerinde Qazaqstan aýmaǵynda menshiktik quqynda nemese satyp alý quqymen jalǵa berilgen baspana bolmaýy, Eldiń barlyq aýmaǵy boıynsha sońǵy bes jylda qatysýshynyń ózi men otbasynyń ózge múshelerinde menshiktik quqyqtaǵy baspanalyq jaǵdaıyn aýystyrý nemese ıelikten shyǵarý arqyly ádeıi nasharlatý faktileri bolmaýy qajet.
Aıa О́MIRTAI,
«Egemen Qazaqstan»