Keshe Premer-Mınıstr Baqytjan Saǵyntaev ExxonMobil Production So. kompanııasynyń prezıdenti N.Daffın bastaǵan atalǵan uıymnyń ókilderimen kezdesý ótkizdi, dep habarlady Premer-Mınıstrdiń baspasóz qyzmeti.
Kezdesý barysynda ExxonMobil kompanııasynyń Qazaqstandaǵy qazirgi qyzmeti týraly máseleler, sonyń ishinde Teńiz jáne Qashaǵan munaı ken oryndaryn ıgerý jobalaryn iske asyrý máseleleri talqylandy.
Aıta ketý kerek, kompanııa Qazaqstanda 1993 jyldan bastap jumys isteıdi jáne elimizdegi alǵashqy iri ınvestorlardyń biri.
ExxonMobil Teńizde ken orny bar «Teńizshevroıl» JShS-inde – 25%, Qashaǵan ken orny men Kaspıı qubyry jelisi konsorsıýmine 7,5% úleskerlik qatysýdy qamtıtyn Soltústik Kaspıı boıynsha ónimderdi bólý týraly kelisim aıasynda 16,81% úlestik qatysýǵa ıe.