Keshe Memleket basshysy Nursultan Nazarbaev otandyq jáne Qazaqstanda tirkelgen birqatar sheteldik buqaralyq aqparat quraldarynyń ókilderi úshin baspasóz máslıhatyn ótkizdi.
Jıynǵa 50-den astam qazaqstandyq jáne sheteldik buqaralyq aqparat quraldarynyń ókilderi qatysty. Onda Memleket basshysy elimizde ótken halyqaralyq is-sharalardy qorytyndylap, jýrnalıster tarapynan qoıylǵan suraqtarǵa jaýap berdi.
Árıne, elimiz úshin bıylǵy jyldyń basty oqıǵasy – erekshe eldik shara EKSPO-2017 halyqaralyq mamandandyrylǵan kórmesi. Qazirgi tańda ony oıdaǵydaı ótkizip, álem nazaryn aýdarǵan áıgili sharany abyroımen aıaqtap, arqany keńge salyp otyrǵan jaıymyz bar. Elbasy Nursultan Nazarbaev jýrnalıster aldynda sóılegen sózinde aldymen osy sharanyń – EKSPO-2017 kórmesiniń tabysty bolǵanyn aıtyp, Astanada ótken Islam Yntymaqtastyǵy Uıymynyń Ǵylym jáne tehnologııalar jónindegi sammıtiniń de mán-mańyzyna toqtaldy.
Memleket basshysynyń pikirinshe, EKSPO-nyń basty jetistigi – Qazaqstannyń halyqaralyq kórmeni Astanada ótkizý múmkindigin jeńip alýy. Bul rette Elbasy biz áli de jas memleket bolǵandyǵymyzdan ózimizdi búkil álemge kórsete bilýimiz kerektigin, al kórmeniń taqyryby – bolashaqtyń energııasy máselesi búginde jahandyq mańyzy bar sala bolyp otyrǵanyn tilge tıek etti. Sebebi, balamaly energııa qazirgi ǵylym men tehnıkanyń eń ozyq úlgisi sanalady.
«Mundaı kórmeni 162 memleket ótkizgisi keldi. Kórmelerdiń tarıhy 100 jyldy quraıdy. Ár taqyrypta, ár baǵytta dúnıe júzinde kórmeler ótkiziledi. Osynyń aldynda Mılandaǵy kórmeni baryp kórgen edim. Ol jaı ýaqytsha jasalǵan ǵımarattardyń ishinde ótti. Bitkennen keıin barlyǵyn taratyp alyp ketti. Sondyqtan eń mańyzdysy, biz jas el bolǵannan keıin Qazaqstandy dúnıe júzine kórsete bilýimiz kerek. Munyń tóńireginde áli talaı jumys isteý qajet», dedi Elbasy. Prezıdent kórme aıaqtalsa da onyń ǵımarattarynyń barlyǵy beker qalmaıtynyn taǵy bir eske saldy. Aıtýynsha, eki pavılonynda qarjy ortalyǵy, al taǵy bir pavılonda Qazaqstannyń kórmesi bolady. Memleket basshysynyń sózine qaraǵanda, munan bólek, bir pavılonda IT-startaptar parki ashylady. Onda jastarǵa, ǵalymdarǵa jańalyqtar ashýǵa barlyq múmkindik jasalady. Sonymen qatar, taǵy bir pavılonda mektep oqýshylaryn bilimge, mamandyqqa baýlıtyn ortalyq ashylady. «Ony koreılermen birge jasap jatyrmyz. Ol da jastarǵa paıdaly», dedi Elbasy.
Qazaqstan Prezıdenti kórmege qansha adam kelgenin, onyń qandaı paıdasy bolǵanyn da aıtyp berdi. «2 mılllıon adam keledi dep oılap edik, 4 mıllıonǵa jýyq adam keldi. Jalpy, ári-beri kirip shyqqan adamdardyń sany 25 mıllıonnan asty. Astanaǵa, Qazaqstanǵa paıdasy kóp boldy. 1 400 qazaqstandyq kompanııa qatysyp, qurylys materıaldaryn berdi, qurylys jumystaryna qatysty. Olar 640 mlrd teńge qarajat ıgerdi. Qonaq úılerdiń, meıramhanalardyń, dúkender men konsert zaldarynyń barlyǵy serpilip qaldy. Olardyń bári de aqsha tapty, bıznes kóterilip, qala bıýdjetine úlken qarjy quıyldy. Osynyń barlyǵy paıdaly. Negizgisi, búkil dúnıe júzinen, 185 elden adamdar keldi, Qazaqstannyń oblystarynan múldem Astanany kórmegender keldi», dedi Memleket basshysy.
Elbasyna baspasóz máslıhatynda jýrnalıster tarapynan EKSPO aýmaǵynda salynǵan páterlerdi endi kimder paıdalanady degen suraq ta qoıylǵan bolatyn. Osyǵan oraı Prezıdent EKSPO-2017 kórmesi aýmaǵyndaǵy páterlerdiń satylatynyn jetkizdi. «Úsh jylǵa jetpeıtin ýaqyttyń ishinde Astanada tolyqtaı jańa bir aýdan salyndy. Onda 1 400 páter bar. Ol páterlerdiń barlyǵy da elordalyqtarǵa satylady», dedi Memleket basshysy.
Baspasóz máslıhatynda Qazaqstan Prezıdenti sonymen qatar, halyqaralyq kún tártibindegi ózekti máselelerge qatysty suraqtarǵa da jaýap berdi. Sondaı-aq Sırııadaǵy jaǵdaıdy retteýge baǵyttalǵan Astana kelissózderi jónindegi oıyn ortaǵa saldy.
«Bul másele boıynsha Jeneva kelissózderi júrip jatyr. Oǵan kóptegen elder qatysýda. Olardyń bir kezderi tyǵyryqqa tirelip qalǵan tustary da boldy. Sol ýaqytta Iran, Reseı, Túrkııa men ózge de elder Qazaqstannyń barlyq memlekettermen qarym-qatynasy jaqsy bolǵandyqtan, maǵan keldi. Kelissózderdi júrgizý alańy kerek edi. Biz kelisimimizdi berdik, kelissózder júrip jatyr, kelesi raýndy búgin bastalady. Osy kelissózderdiń arqasynda keıbir jerlerde soǵysty toqtatyp, shıelenisti báseńsitýdiń úsh oshaǵyn qurýǵa múmkindik týdy. Beıbitshilik ornaı bastady», dedi Nursultan Nazarbaev. Al keshe shıelenisti báseńsitýdiń kelesi satysy talqylanǵan. «Biz buǵan kóp úlesimizdi qosyp jatyrmyz dep oılaımyn. Sońǵy jyldary ol aımaqtardan 5 mıllıon adam bosyp ketti. 186 myń adam qyryldy degen sóz aıtylyp jatyr. «Ne úshin?» degen suraq týyndaıdy. Mine, sondyqtan, biz Qazaqstanda turaqtylyqty qadir tutamyz. Álemdik tarıhtyń eń áıgili eskertkishteri qırap qaldy. Mádenıeti tonaldy», dedi Memleket basshysy. Prezıdent taǵy da bul máselelerdi sheshýge Qazaqstan beıbit túrde shyqqanyn eske sala ketti. «Menińshe, beıbitshilikke deıin áli alys sekildi. Biraq ár memleket óz qarym-qabiletine qaraı úlesin qosýy kerek. Biz jumystaǵy óz bóligimizdi atqaryp jatyrmyz. Bul jumysty jalǵastyra berýimiz kerek degen oıdamyn», dedi Prezıdent.
Sondaı-aq, Elbasy qyzyǵýshylyq tanytqandarǵa jýyrda AQSh prezıdenti Donald Tramppen telefon arqyly sóıleskende, qandaı máseleni talqylaǵanyn da tarqatyp aıtty.
«Memleket basshysynyń telefonmen sóılesýleri – qalypty jaǵdaı. Qajet kezde qońyraý shalamyz. Ol prezıdent bolyp saılanǵan kezde, qarashada telefon shaldym. Ol ýaqytta uzaq áńgimelestik. Ol bizdiń óńirdegi, Reseıdegi, Qytaıdaǵy ahýalǵa qyzyǵýshylyq tanytty. Odan keıin biz AQSh pen arab elderiniń kezdesýi ótken Er-Rııadta kezdestik. Keıin ol maǵan qońyraý shaldy. Onyń aldynda AQSh Energetıka mınıstrliginiń basshysy EKSPO-2017-ge kelip, men qabyldaǵan edim. Ol rıza bolyp, eksponattarǵa, kórmeni uıymdastyrý deńgeıine tań qaldy. Barǵannan keıin basshylyǵyna baıandap, ol maǵan qońyraý shalýǵa sheshim qabyldaǵan sııaqty», dedi Elbasy.
Memleket basshysynyń aıtýynsha, amerıkalyq áriptesimen eń aldymen qazaqstandyq-amerıkalyq qarym-qatynas jaıynda sóılesken. «Men AQSh-tyń kompanııalary Qazaqstanǵa 40 mlrd dollardan astam ınvestısııa salǵanyn eske saldym. Amerıkalyq bıznestiń qatysýymen 500 kompanııa jumys isteıdi, iri kompanııalary da bar. Men qazirgi ýaqytta qoldanylyp jatqan sanksııalardyń atalǵan kompanııalardyń jumysyna yqpal etpeýin suradym. Ol munyń Qazaqstanǵa qatysy joqtyǵyn rastady jáne AQSh Qazaqstanmen bul qarym-qatynastardy odan ári damytýǵa múddeli ekendigin qýattady», dedi Nursultan Nazarbaev.
Qazaqstan Prezıdenti Reseı men AQSh basshylary Vladımır Pýtın men Donald Tramp jaıly da oıyn ashyq aıtty. «Álbette, men bizge jaqyn sanalatyn Reseımen qarym-qatynas týraly suraı almadym. Bul týraly alǵashqy áńgimemiz óte sátti boldy. Men Reseı men Reseıdiń basshysyn Batystyń jóndi qabyldamaıtynyn, shynynda, ol múlde bólek adam ekenin tike aıttym. Sol kezde ol maǵan: «Sen bilesiń ǵoı, biz Germanııada Pýtınmen kezdestik. Endigi kezekte bári jaǵdaıǵa baılanysty», dep jaýap berdi. Ondaǵy da, bizdegi de jaǵdaıǵa baılanysty ekeni belgili. Menińshe, bul relsten aýytqyp, qarym-qatynasty túzeýge bolatyn sekildi», dedi Elbasy.
Prezıdent, sondaı-aq, eki eldiń qarym-qatynasy retteler degen senimin bildirdi. «Donald Tramp Reseıdiń úlken memleket ekenin aıtqan edi. Áıteýir bir kúni biz bul máseleni sheshemiz. Sózsiz, AQSh pen Reseı eń iri ıadrolyq derjava ekeni belgili. Álemdik máselelerdi Reseısiz de, AQSh-syz da sheshýge bolmaıdy. Sondyqtan, aıaǵynda bul pozısııa jaǵymdy jaqqa qaraı ózgerer dep oılaımyn», dedi Memleket basshysy.
Baspasóz máslıhatynda budan bólek, Memleket basshysy qazaq tilin jetildirý men latyn álipbıine kóshýdiń mańyzdylyǵyna toqtaldy. «Latynǵa kóshý jaıy barshany da alańdatyp otyr. Bul jaıynda kóp aıtyldy. Bizdiń ǵalymdar meniń tapsyrmammen uzaq ýaqyt jumys istep, barlyq tarıhty qarap shyqty. Kórshimiz О́zbekstan, Túrkııa qalaı engizgendigin, olardyń tájirıbesin qarady. Kompıýterge birden qoıa salý úshin ilik bolmaý kerektigin aıttym. Noqaty, útiri bar, tek qazaq dybysyna tán 8 árip bar. Mine, solardy naqtylaý qajet. Barlyq másele osynda», dedi Elbasy. Osy rette Memleket basshysy latyn álipbıin engizýdi Parlamentte talqylaýdy usynǵanyn tilge tıek etti. «Ymyra bolǵanda, til bilimi mamandary men tarıhshylar ortaq kelisimge kelgende men jańa álipbı jaıynda jarııa etemin. Bul erteń osy álipbı qoldanysqa enedi degendi bildirmeıdi», dedi Memleket basshysy. Sondaı-aq, kırıll árpi de óz qyzmetin jalǵastyra beretinin atap ótti. Sonymen qatar 2022 jyldan bastap 1-synyptardyń latyn álipbıimen oqıtyndyǵyn jetkizdi.
«Menińshe, bul tez ótedi. О́ıtkeni, búginde barlyq balalar aǵylshyn tilinde oqıdy. Al ol latynsha. Sizder men bizder úshin de bul úlken problema bolmaıdy», dedi Elbasy. Memleket basshysynyń atap ótýinshe, álemdegi aqparattardyń 70 paıyzy latyn árpimen taralady, ǵylymı-tehnıkalyq progress te osy tilde basym júrýde. Sonymen qatar Elbasy latyn álipbıine kóshý jobasy sońyna deıin tyńǵylyqty daıyndalýy kerektigin eskertti.
«Qazaq tilinde sh, ıý, ıa áripteri joq. Iаponııany qazaqtar Japonııa deıdi. «ch», «ıý», «ıa», «», «» belgileri joq. Iаǵnı biz osy áripterdi qoldaný arqyly naǵyz qazaq tilin burmaladyq. Sondyqtan bul mańyzdy shara jáne onda aǵattyqqa jol berýge bolmaıdy», dedi Nursultan Nazarbaev. Aıtqandaı, Elbasy memlekettik til latyn álipbıine kóshkennen keıin barlyq is-qaǵazdar sol tilde júrgiziletinin de málimdedi. «О́zińiz aıtqandaı, latyn álipbıine kóshken jaǵdaıda ol kırıll árpiniń qoldanysyna aıtarlyqtaı kedergi kelmeıdi. Bul rette qujat aınalymynda, is-qaǵazdarda latyn álipbıiniń róli qandaı bolmaq? Ekeýiniń qatar júrýi qıyndyq týdyrmaı ma?» degen suraǵymyzǵa Prezıdent osylaı jaýap berdi.
«Memlekettik til latyn árpinde bolǵannan keıin barlyq júrgiziletin qujattar sol tilde bolady. Biraq ol tildi túsinbeıtin azamattardy renjitpeý úshin olarǵa aýdaryp beretin bolamyz», dedi Nursultan Nazarbaev.
Jýrnalıster tarapynan qoıylǵan jıyrmadan astam suraqtyń bárine Elbasy egjeı-tegjeıli jaýap berdi. Suraqtar san túrli taqyrypty qamtydy. Máselen, osy kúzde devalvasııa bolýy múmkin be degen de suraq qoıylǵan bolatyn. Elbasy onyń bári alyp-qashpa áńgime ekendigin, dál qazir oǵan eshqandaı alǵyshart joqtyǵyn aıtty. «Teńgeniń erkin baǵamy durys. Eger ony tizgindep ustar bolsaq, memleket qarjysyn jumsaýǵa týra keledi. Árıne, munaı baǵasy 135 dollardan 40 dollarǵa deıin qulaǵan jaǵdaıda kúrt ózgerister bolar edi. Al qazir ondaı alǵysharttar joq. Munaı baǵasy qazir 52-55 dollardy ustap tur», dedi Prezıdent.
Elbasy sondaı-aq, Qazaqstan munaı óndirýdi tómendetý boıynsha OPEK sheshimin qoldaýdy jalǵastyra beretinin atap ótti. «Biz OPEK-tiń munaı óndirýdi tómendetý boıynsha ortaq pikirine qosyldyq. Qazaqstan óndiristi 20 myń barrelge tómendetti. Degenmen, Qashaǵan iske qosylǵannan keıin bul maqsatqa jetý bizge ońaıǵa túsken joq. Biraq biz múddelestigimizdi bildirip otyramyz. О́ıtkeni bul baǵaǵa yqpal etedi. Munaıdyń ortasha baǵasy − barreline 52-55 dollar. Bul bizge de, barlyǵyna da qolaıly. Sebebi bizdiń bıýdjetimiz 40-45 dollarǵa eseptelgen. Eger bul pozısııa jumys isteıtin bolsa, onda biz munan ári de baǵa boıynsha osyndaı múmkinshilikti ustap turý úshin olardy qoldaımyz», dedi Prezıdent.
Elbasy mazmuny jańartylǵan oqýlyqtarǵa qatysty qazaqstandyqtar tarapynan syn kóp degen pikirge oraı da óz oıyn aıtty. «Mán-jaıdy anyqtaıyq. Balalardy durys tárbıelep, durys oqytý úshin, suranysty qanaǵattandyrý úshin durys oqýlyqtar kerek. Ata-analar da rıza bolýy tıis. Bilim jáne ǵylym mınıstrligine problemanyń neden týyndaǵandyǵyn anyqtap, túsindirýdi tapsyramyn», dedi Elbasy.
Jýrnalıster mindetti áleýmettik medısınalyq saqtandyrý qoryna jınalǵan aqshanyń jaıyna da alańdaýshylyq tanytty. Bul rette Memleket basshysy jınalǵan aqshanyń eshqaıda ketpeıtinin, onyń tıisti maqsatta jumsalatynyn aıtty. Máselen, mindetti áleýmettik medısınalyq saqtandyrý reformasy keıinge shegerilgenimen, odan jınalǵan qarjy bar. Ol – 6 mlrd teńge shamasynda.
«Biz medısınalyq saqtandyrý degen máseleni birtindep qarastyramyz. Sebebi ol qajet. Jalpy bizdiń adamdar óz densaýlyǵyn baǵalamaıdy. Keshe men Ulttyq ǵylymı kardıoortalyqtyń basshysy Iýrıı Pıamen sóılestim. Ol maǵan «júrekke ashyq operasııa jasaý Batysta 40-50 myń dollar, al júrekti aýystyrý 500 myń dollar turady», deıdi. Ony aýystyrý ár adamnyń qolynan kelmeıdi ǵoı. Ol jaqta aqsha tóleıdi. Al bizdiń jaqta barlyǵy úkimet tólesin deıdi. Al eger medısınalyq saqtandyrý qory bolatyn bolsa, azamattar ózderiniń densaýlyǵyna jaýap beredi. Iаǵnı, qorǵa aqshanyń bir bóligin azamattyń ózi, bir bóligin jumys berýshiler, bir bóligin memleket tóleıdi. Úsh bólikten turady. Bizdiń qazirgi zeınetaqy júıemizdiń ózi sondaı», dep bir atap kórsetti Elbasy. Sonymen qatar mindetti áleýmettik medısınalyq saqtandyrý máselesin 3 jylda sheshý qajettigin alǵa tartty.
«Medısınalyq saqtandyrýǵa tezirek ótemiz dep oılap edik, saraptap kelgende problemalar shyqty. Qazaqstanda qorǵa aqsha tóleı almaıtyn adamdar bar eken. Tóleı almaıtyndar emdelgen kezde qordan aqsha ala almaıdy. Sondyqtan biz olardyń máselesin 3 jyldyń ishinde sheshýimiz qajet», dedi Prezıdent. Atalǵan másele ózin-ózi jumyspen qamtyp otyrǵan 2 mln-nan astam azamatqa qatysty ekendigin jetkizdi. «Ony anyqtap qarasaq, onyń jikteri bar. Onyń 1 mıllıony jumys isteıdi. Biraq ózderin jumyssyzbyn dep eseptep, salyq tólemeı otyrady. Onyń ishinde túrmede otyrǵandar, kámelet jasqa tolmaǵan balalar bar. Sondyqtan osynyń barlyǵyn eskerý kerek», dedi Nursultan Nazarbaev. Baspasóz máslıhatynda Qazaqstan Prezıdenti jastar jaıynda da kózqarasymen bólisti. Jastardy túrli dinı aǵymdardyń jeteginde ketýden saq bolýǵa shaqyrdy.
«Dúnıede neshe túrli dinı aǵymdar bar. Sırııada qaqtyǵystar bolyp jatyr. Olar ár jerden jastardy shaqyrdy. Aqsha tólep, soǵysqa beıimdedi. «Elderińe qaıtyp, lańkestik jasańdar» dep úıretip jatyr. Bizden de baryp jatqan adamdardy bilemin. Ol jastar bul jerde óz ornyn taba almaǵan, ne jumysqa ornalaspaǵan, ne bilim almaǵan. Aqsha tóleımiz degenge aldanyp qalady da ol jaqqa otbasyn da aparady. Sosyn kete almaıdy», dedi Prezıdent.
Sonymen qatar Memleket basshysy qazirgi tańda otandastarymyz soǵysyp júrgen elderdegi jaǵdaıdyń óte aýyr ekenin aıtty. «Qazir ol jaqta barlyǵyn bombalap jatyr. Eldi mekenderde elýin, qyrqyn óltirdik dep habarlap jatyr. Olardyń ishinde bizdiń de balalar bar. Ondaı jolǵa túspese deımin. Bizdiń jastar úshin ol jaqta eshqandaı bolashaq joq», dedi Nursultan Nazarbaev.
Prezıdent sholaq shalbar men qara kıimniń qazaqqa jat ekenin taǵy da eskertti. «Buryn da aıtqanmyn, qazir de aıtaıyn. Qazaqtyń qyzdary, jalpy áıel azamattary esh ýaqytta betin búrkemegen. Qyzdarymyz burymyn jiberip, sholpysyn syńǵyrlatyp júretin. Bizdiń analarymyz batyr bolǵan. Erleriniń janynda júrip soǵysqan. Sonsha ǵasyrlyq tarıhymyzǵa, dástúrimizge qaramaı búgin basqasha jolǵa túsemiz be? Shaldardyń sholtıtyp shalbar kıgenin qaıdan kórdińizder? Saqalyn beline túsirip júrý musylmandyqtyń belgisi emes qoı. Ol Qurannyń qaı jerinde jazylypty? Onda turǵan qandaı erekshelik bar? Oǵan kim qyzyǵady? Ol bizdiki emes. Ol saltymyzdy buzady. Men bul týraly bir ret aıttym. Men aıtqanyn oryndatatyn adammyn. Sondyqtan jastarǵa osylardan aýlaq bolyńdar deımin», dedi Elbasy.
Nursultan Nazarbaevqa aqparattyq tehnologııalardy paıdalanýǵa qatysty, sondaı-aq qazaqstandyq kásipqoı boksshy Gennadıı Golovkınniń taıaýda bolatyn jekpe-jegi týraly da suraqtar qoıyldy.
«Bul – Qazaqstan halqy úshin úlken oqıǵa! Ol bárimizdi teledıdar aldyna jınaıdy. Bizdiń jerles GGG-diń ataǵy men dańqy qazir jer jaryp tur. Bul – óte mańyzdy kezdesý. Meksıkalyq Alvares – óte tanymal, sheberligi joǵary boksshy», dedi Prezıdent.
Memleket basshysy bul kezdesýde Gennadıı Golovkın jeńiske jetedi dep úmittenetinin aıtty. «Jeńiske jetse, Golovkın orta salmaqta kásibı bokstyń koroline aınalyp, Muhammed Álımen jáne Maık Taısonmen bir qatarda turady dep senemin. Bul ol úshin óte mańyzdy. Oǵan úlken tabystar tileıik. Osy ýaqytta kórshilerge sapar jasaıtynyma qaramastan kóremin. Barlyǵymyz da oǵan jankúıer bolamyz», dedi Nursultan Nazarbaev.
Iá, Elbasynyń osy senbi-jeksenbi kúnderi jumys saparymen О́zbekstan men Túrikmenstanǵa baraıyn dep otyrǵany belgili. Baspasóz máslıhatynda bul sapardyń da mán-jaıy suraldy.
«Qazir bizdiń kórshilerimizben, ásirese О́zbekstanmen jaǵdaı óte jaqsy qalyptasýda. Máselen, barlyq ótkizý pýnktteri ashyq, olar bizdiń astyqqa aksızdi joıdy desek te bolady. Olarǵa Qazaqstan arqyly Tashkentten basqa oblysqa barýlaryna nemese bizdiń Maqtaraldan О́zbekstan arqyly júrýimizge týra kelgen qarama-qaıshy jaǵdaı boldy. Atalǵan eki pýnkt te jabyq edi. Jol jaman, aınalma jolmen 50-diń ornyna 150 shaqyrym júrip júrdik. Qazirgi ýaqytta bul durystaldy jáne bári de jaqsy bolady», dedi Elbasy.
Memleket basshysy mysalǵa keltirgen derekke súıensek, aǵymdaǵy jyly О́zbekstan men Qazaqstannyń taýar aınalymy 25 paıyzǵa artqan. «О́te jaqsy kórsetkish, taýar alys-berisi bar. Sondyqtan memleketaralyq qarym-qatynas pen óńirlik máselelerdi talqylaıtyn bolamyz. Úsh memleket О́zbekstan, Tájikstan jáne Qazaqstan shekarada «túıisý núktesine» qol qoıýy tıis. Problema joq. Biraq sheshim úshin oǵan qol qoıý qajet», dep atap ótti Prezıdent.
Nursultan Nazarbaev Túrikmenstanǵa saparyna qatysty Ashǵabadta jabyq ǵımaratta ótetin jáne jaýyngerlik óner synǵa túsetin V Azııa oıyndarynyń ashylýyna baratyndyǵyn aıtty.
Dınara BITIK, «Egemen Qazaqstan»
Sýretter Prezıdenttiń baspasóz qyzmetinen alyndy