2017 jyldyń 21-22 qazanynda fılologııa ǵylymdarynyń doktory, professor Tursynbek Kákishevtiń 90 jyldyǵyna oraı «Er Jánibek» halyqaralyq qoǵamdyq qorynyń uıymdastyrýymen ál-Farabı atyndaǵy QazUÝ-dyń sport kesheninde dúnıe júzi qazaq jastary arasynda shaǵyn fýtboldan dástúrli «ER JANIBEK CUP» halyqaralyq týrnıri ótedi.
"Bar ómirin qazaq ádebıeti synyn zertteý men Alash arystaryn joqtaýǵa arnaǵan bilgir ǵalym, ulaǵatty ustaz Tursynbek Kákishevtiń 90 jyldyǵynda shaǵyn fýtboldan týrnır uıymdastyrýdaǵy maqsatymyz – dúnıeniń tórt buryshynda júrgen qazaq jastarynyń ózara jaqyn qarym-qatynas ornatýyna úles qosý jáne olardyń týǵan otany Qazaqstanǵa degen súıispenshiligin eseleı túsý", -deıdi uıymdastyrýshylar.
Júlde qory 2 mln teńge bolatyn týrnırge Fransııa, Germanııa, Túrkııa, Iran, Reseı, Monǵolııa, Qytaı jáne О́zbekstanda turatyn qandastarymyz jáne elimizdiń ár oblysynan qazaq jastary qatysady.