Elordada EXPO-2017 mamandandyrylǵan halyqaralyq kórmesiniń 16 «jasyl» jobasy qoldanylatyn bolady.
Bul týraly búgin Astana qalasynyń ákimdiginde ótken baspasóz máslıhaty barysynda qalalyq energetıka basqarmasynyń basshysy Baqytbek Japaev málim etti.
Basqarma basshysynyń aıtýynsha, olardy qoldaný úshin jobalarmen jumys bastalyp ketken.
«EKSPO-da 140-qa jýyq «jasyl» joba tanystyrylǵan. Onyń ishinde Astanada qoldanýǵa bolatyndaı 16 jobany tańdap aldyq. Olardyń arasynda reseılik, fransýzdyq jáne polshalyq jobalar bar. Qazirgi tańda jobalardy ınvestorlarmen birge iske asyrý baǵytynda jumys júrgizip jatyrmyz. Keleshekte ınvestorlar bizge ony usyna alady. Tipti jobalardy júzege asyryp, Astanada qoldaný týraly medıa-jospar da qurylyp qoıdy», - deıdi ol.