Balalardyń demalysy baqylaýsyz qalmasyn

Osyndaı jaıt barlyq qa­zaq­standyq ata-analardy­ oılan­dyrý­ǵa tıis. Jaraqat alýlardyń kóbeıip bara jatqandyǵynyń bir sebebi eshqandaı eresek adamnyń baqylaýynsyz qalatyn balalardyń oınaý alańdary. Sondaıdyń bir mysaly retinde Qostanaı qalasyndaǵy qaıǵyly oqıǵany aıtýǵa bolady. Eresek adamnyń baqylaýynsyz batýtta sekirip júrgen eki búldirshin ushyp ketip, qatty jaraqattar alǵan. О́ıtkeni batýttyń aınalasyna keleńsizdikten saqtandyrýǵa tıisti tor tartylmaǵan, tym bolmasa qulaǵanda denelerin aýyrtpaıtyn jumsaq zattar da tóselmegen.

Qazir balalardyń salt atpen qydy­rýyna da ruqsat berilgen. Alty jasar Laýra degen qyz salt atpen júrgende qasynda eshqandaı úıretýshi bolmaǵan jáne qydyrý alańy da atty adamǵa tar bolǵan, sonyń saldarynan qyz úrikken attan qulap, oń jaq ıyǵyn syndyryp, qatty jaraqat alǵan. Búldirshin uzaq ýaqyt qınalyp, aýrýhananyń tósegine tańylýǵa májbúr boldy. Al bıylǵy qysta on eki jasar Arýjannyń taǵdyry tipti aıanyshty, ol muz syrǵanaqta qatty soǵylǵannan qaza tapty...

Mine, osyndaı mysaldardy kóptep keltirýge bolady. Osynyń bári bala­lardyń demalys saǵatyn durys uıym­dastyra almaý men baqylaýdyń tómen­diginen bolyp otyr.

Balalar bizdiń bolashaǵymyz, olar­dyń aman ósýi­ne barlyq qazaq­standyq eresekter jaýaptymyz. Osy mindetti eskere otyryp men Premer-Mınıstr Baqytjan Saǵyntaevqa depýtattyq saýal joldap, myna másele­lerdiń sheshi­lýin usyndym:

1.Balalardyń belsendi de­maly­­syn uıymdastyratyn oryn­dardyń jaýap­kershiligi men paıdalaný tártipte­rin qaras­tyrǵan standarttardyń bolýy qa­daǵalanyp jáne olardyń zań­namalyq, normatıvtik bazalaryna sarap jasalyp, qajetinshe jetildirilsin;

2.Jergilikti atqarýshy organdar óz aýmaq­taryndaǵy bala­lar­dyń demalys oryndaryn elek­trondy bazaǵa engizip jáne olar­dyń jumysyn baqylaýǵa alýǵa min­dettelsin;

3.Osy iske qatysy bar bar­lyq mem­lekettik organ­dardyń ba­qylaý sharalaryn júrgizý isine jergilikti ózin-ózi basqarý organdarynyń belsendilerin tartý jáne olardy normatıvtik bazalar ázirleý isine qatys­tyrý qadaǵalansyn;

4.2018 jylǵa deıin bala­lardyń belsendi demalysy uıym­­das­tyrylatyn barlyq oryn­dardyń qaýipsizdigin anyq­taý úshin tekseris júrgizip, synǵan, du­rys bekitilmegen jáne t.b. jab­dyqtardyń jóndelýi men beki­tilýi anyq­talsyn.

Osy jumystardyń oryndalýyn qatań baqylaýǵa alýdy suraımyn degen saýalymdy kóptegen áriptesterim qoldady.

Ivan KLIMENKO, Májilis depýtaty, Áleýmettik-mádenı damý komıtetiniń múshesi